12px13px15px17px
Tarix:21/02/18

Qeyri-adi pilotsuz uçan aparat yaradılıb (VİDEO)

Kanadanın “Cleo Robotics” şirkəti kompakt ölçüləri ilə seçilən və adi həvəskar kvadrokopterlərlə rəqabət apara biləcək qeyri-adi pilotsuz uçan aparat hazırlayıb. Qurğunun prototipi yanvarda “CES” sərgisində təqdim olunub.
 
“ICTnews” Elektron Xəbər Xidməti “NEWSru” resursuna istinadən yazır ki, “Cleo” adlanan dron xarici görünüşünə görə ponçiki xatırladır və ölçüsünə görə onunla uyğunluq təşkil edir. Pilotsuz uçan aparatın dairəvi korpusunun daxilində istifadəçinin barmaqlarının toxunuşunda plastik barmaqlıqlarla mühafizə edilən iki propeller yerləşir,  quraşdırılmış batareya isə qurğunun prototipini 12-15 dəqiqə avtonom uçuşla təmin edir.
 
Məlumata görə, aparat “HD” formatlı videoçəkilişə imkan verən quraşdırılmış kamera ilə təchiz olunub, uçuşun idarə olunması üçün smartfon üçün mobil əlavədən istifadə edilir. Perspektivdə tərtibatçılar dronu maneələrlə toqquşmadan yayınma və binalar daxilində naviqasiya sistemləri ilə təchiz etməyi düşünürlər.
 
Pilotsuz uçan aparatın mümkün satışa çıxarılma müddəti barədə məlumat verilmir. Buna baxmayaraq qurğu yaradıcıları ümid edir ki, aparata təkcə həvəskarlar deyil, eyni zamanda təhlükəsizlik sahəsində fəaliyyət göstərən şirkətlər maraq göstərəcəklər.
 
Nizam Nuriyev






Baxış sayı: 390

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024