12px13px15px17px
Tarix:15/05/18

“Samsung Galaxy S10” smartfonunda barmaq izi skaneri ekrana quraşdırılacaq

“Samsung Electronics” şirkətinin növbəti, yubiley və qabaqcıl “Galaxy S10” smartfonunda barmaq izi skaneri displeyə inteqrasiya olunacaq.
 
“ICTnews” Elektron Xəbər Xidməti “Ferra” resursuna istinadən yazır ki, bundan əvvəl təqdimatı payızda gözlənilən “Galaxy Note 9” smartfonunun şirkətin barmaq izi skaneri ekrana quraşdırılan ilk qurğusu olacağı barədə məlumat verilsə də, hazırda Cənubi Koreya mənbələri tərəfindən belə sensorun növbəti ildə yalnız “Galaxy S10” smartfonunda quraşdırılacağı bildirilir. Cənubi Koreya istehsalçısı bu yaxınlarda məsələ ilə bağlı qərar qəbul edərək bu barədə tədarükçü və tərəfdaşları məlumatlandırıb. Ehtimal olunur ki, “Samsung” optik həllərlə müqayisədə daha dəqiq ultrasəsli ekran sensoru hazırlayır.
 
Məlumata görə, yubiley “Galaxy S10” və “Galaxy S10+” smartfonları “Beyond” daxili kod adı ilə qeydiyyatdan keçib. Xatırladaq ki, “Galaxy S9” modeli buraxılmamışdan əvvəl “Star”, “Galaxy S8” isə “Dream” adlanıb.
 
Smartfonların 5,8 və 6,3 düym diaqonallı “Infinity Display” ekranlarla təchiz ediləcəyi gözlənilir. Bundan başqa, sifətin daha yaxşı tanınması üçün “3D” kamera əlavə oluna bilər.
 
Qabaqcıl “Samsung Galaxy S10” və “Galaxy S10+” smartfonlarının yanvarın 8-11-də Las-Veqasda keçiriləcək “CES 2019” sərgisində nümayişi planlaşdırılır.
 
Nizam Nuriyev





Baxış sayı: 130

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






17 Fevral 2019

16 02 2019

16/02/19
Süni intellekt “feyk xəbərlər” yazmağı öyrənib

“OpenAI” qeyri-kommersiya tədqiqat təşkilatı “feyk xəbərlər”in hazırlanması üçün “GPT2” adlı s&am

16/02/19
Dünyada ilk “5G”-kinoteatr istifadəyə verilib

Norveçin “Telia” mobil rabitə operatoru Osloda “Odeon” kino mərkəzi ilə birgə 

16/02/19
“Samsung” şirkəti “Bixby” səs köməkçisini dəstəkləyən ən nazik planşetini təqdim edib

“Samsung” şirkəti “Galaxy Tab S5e” planşetini təqdim edib