12px13px15px17px
Tarix:23/05/18

“RED” smartfonu videonu “8К” formatında çəkəcək

“RED” şirkətinin yayın sonunadək satışa çıxarılacaq “Hydrogen One” smartfonu “8K” formatlı videonun çəkilişinə imkan verən qoşa kamera ilə təchiz ediləcək.

“ICTnews” Elektron Xəbər Xidməti “Life” resursuna istinadən yazır ki, “RED”  üçün xüsusi kamera ixtisaslaşdırılmış optikanın istehsalı ilə məşğul olan “Lucid” şirkəti tərəfindən hazırlanıb.

Məlumata görə, kamera eyni anda “4K” təsvir ölçüsündə çəkən iki sensordan ibarət olacaq. Əldə olunan təsvirləri ya “8K” təsvir ölçüsünə, ya da stereoskopik hərəkətli fotoya çevirmək mümkün olacaq.  

Belə funksiyalara malik smartfonun istehlakçılar arasında kütləvi populyarlıq qazanmayacağı, lakin peşəkar rejissorlar arasında özünə auditoriya tapacağı ehtimal olunur.

Qurğu 5,7 düym diaqonallı holoqrafik ekran, “Snapdragon 835” prosessoru, 4500 milliamper/saat tutumlu akkumulyator ilə təchiz ediləcək.

“Hydrogen One” smartfonunun ilkin satış qiyməti 1195 dollar təşkil edir.

Nizam Nuriyev





Baxış sayı: 412

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024