12px13px15px17px
Tarix:11/06/18

Avropa aeroportlarında yuxu üçün kapsullar istifadəyə veriləcək

Avropa aeroportlarında tezliklə yuxu üçün “Airpods” kapsulları istifadəyə veriləcək.

“ICTnews” Elektron Xəbər Xidməti “Belta” resursuna istinadən yazır ki, xüsusi kapsullar Sloveniya dizaynerləri tərəfindən hazırlanıb. Plana əsasən, “Airpods” modulları xarici görünüşünə görə gələcək avtomobilləri xatırladacaq. Konstruksiya daxilində formasını dəyişən rahat kreslo quraşdırılıb, eləcə də burada səyahətçilər telefonu enerji ilə doldura, “Wi-Fi” şəbəkəsinə qoşula, zəngli saat qura və filmlər seyr edə biləcəklər.

Yuxu üçün modulda qurğunun kənar səsləri tam izolə etməsinə baxmayaraq çöldə baş verənləri müşahidə etmək mümkündür. Kapsul, həmçinin sərnişinə reys elan edilən zaman minmə üçün çıxışa yaxınlaşması barədə avtomatik bildiriş göndərəcək.

“Airpods” kapsullarının 1 saatlıq icarəyə verilməsi planlaşdırılır.

Hazırda beta test mərhələsində olan kapsulların kommersiya sınağı çərçivəsində bir sıra Avropa aeroportlarında artıq bu il ərzində istifadəyə veriləcəyi gözlənilir. Gələcəkdə belə kapsullara dünyanın digər hava limanlarında da rast gəlmək mümkün olacaq.

Nizam Nuriyev





Baxış sayı: 368

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024