12px13px15px17px
Tarix:21/06/18

Brayl displeyləri üçün standart yaradılıb

“USB” texnologiyasının inkişafı və tanıdılması ilə məşğul olan “USB-IF” təşkilatı zəif görən və gözdən əlil insanlara kompüterdən istifadəyə imkan verən Brayl ekranları üçün “USB HID” (Human Interface Device) standartını təqdim edib. Layihənin hazırlanmasında “Apple”, “Microsoft” və “Google” kimi böyük texnoloji şirkətlər iştirak edir.

“ICTnews” Elektron Xəbər Xidməti “DailyComm” resursuna istinadən yazır ki, universal standart istehsalçı və tərtibatçılar tərəfindən hər əməliyyat sistemi üçün xüsusi proqram təminatı və kompüter proqram təminatının yaradılmasını sadələşdirəcək, istifadəçilərə isə displeyləri “Windows”, “Mac” və “Android” platformalı həm fərdi kompüterə, həm də mobil qurğulara qoşmağa imkan verəcək.

Məlumata görə, yeni təşəbbüs sayəsində Brayl displeylərini tez və asan müxtəlif qurğulara qoşmaq mümkün olacaq ki, bu da onlardan istifadəni daha rahat edəcək. Standartın tətbiqi 2019-cu ilə planlaşdırılır.
Ümumdünya Səhiyyə Təşkilatının məlumatına görə, hazırda dünyada görmə qüsurlu insanların sayı 253 milyon təşkil edir.

Fiziki xüsusiyyətlərindən asılı olmayaraq insanlara kömək edən və onların həyatını yaxşılaşdıran texnologiyaların yaradılması “Microsoft” korporasiyası üçün vacib məsələlərdəndir. Bundan əvvəl korporasiya tərəfindən “AI for Accessibility” proqramı istifadəyə verilib. Proqram çərçivəsində fiziki imkanları məhdud insanlara kömək üçün süni intellekt əsasında texnoloji həllərin inkişafına 25 milyon dollar məbləğində investisiya qoyulub.

Nizam Nuriyev





Baxış sayı: 194

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






20 Yanvar 2019

19 01 2019

19/01/19
“Microsoft” korporasiyası “Windows 10 Mobile” sisteminin dəstəyini dayandırır

“Microsoft” korporasiyası 10 dekabr 2019-cu ildən sonra “Windows 10 Mobile” sisteminin idarəetməsi altında işləyən smartfonlar

19/01/19
İnternetdə məlumat itkisindən necə qorunmaq olar?

“ESET Russia”nın mütəxəssisi Andrey Yermilov istifadəçilərə öz şəxsi hesablarını qorumaq üçün tövsi

19/01/19
“Apple Watch” saatı insult diaqnozunu qoya biləcək

“Apple” korporasiyası tibb sahəsində ekspertlərlə birgə öz “ağıllı” saatına insult