12px13px15px17px
Tarix:22/06/18

“Microsoft” korporasiyası: “Fərdi kompüterlər virtual reallıq üçün ən yaxşı platformadır”

“Microsoft” korporasiyasının oyunlar bölməsinin marketinq üzrə direktoru Mayk Nikols “Gamesindustry.biz” resursuna müsahibədə “Xbox” oyun qurğusu üçün virtual və ya qatışıq reallıqla bağlı planlarının olmamasını bildirərək fərdi kompüterləri virtual reallıq üçün ən yaxşı platforma hesab etdiyini qeyd edib.  

“ICTnews” Elektron Xəbər Xidməti “IGate” resursuna istinadən yazır ki, ötənilki “Electronic Entertainment Expo” (E3) elektron əyləncələr sərgisində “Xbox” bölməsinin rəhbəri Fil Spenser etiraf edib ki, onlar virtual reallıq əyləncələrinin gələcəyinə inansalar da, bu texnologiya illər sonra kütləvilik qazanacaq. Onun sözlərinə görə, virtual reallıq qurğuları minimum naqilsiz olmalıdır.

“Hazırda bunun üçün xüsusi adapterlər mövcuddur, lakin bu əyləncə bahadır”, - o qeyd edib.  
“Microsoft”, həmçinin tərəfdaşlarla birlikdə “Windows Mixed Reality” platforması üçün virtual reallıq kaskalarının inkişaf etdirilməsi ilə məşğuldur.

Nizam Nuriyev





Baxış sayı: 385

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024