12px13px15px17px
Tarix:24/08/18

“Aeolus” peyki Yerdə iqlimi tədqiq edəcək

Avropa Kosmik Agentliyi (European Space Agency, ESA) Yer kürəsində iqlimin tədqiqi ilə məşğul olacaq “Aeolus” peykini uğurla orbitə çıxarıb.  

“ICTnews” Elektron Xəbər Xidməti “Belta” resursuna istinadən yazır ki, peyk orbitə Fransız Qvianasında (Cənubi Amerikada, Fransanın inzibati idarəçiliyində olan region) yerləşən Kuru kosmodromundan start götürən yüngül sinifli “Vega” raketdaşıyıcısı vasitəsilə çatdırılıb.  

Avropa Kosmik Agentliyinin məlumatına görə, yeni orbital aparat planetdə küləyin sürətinin ölçülməsi üçün inqilabi lazer texnologiyalarından istifadə edəcək və atmosferin iş prinsipinin öyrənilməsində əsas rol oynayacaq. Bundan başqa, alimlər ümid edir ki, peyk Yer kürəsində havanı daha dəqiq proqnozlaşdırmağa imkan verəcək. Peykin fəaliyyətinə nəzarət agentliyin Almaniyanın Darmştat şəhərində yerləşən Avropa Uçuşların İdarəetməsi Mərkəzinin mütəxəssisləri tərəfindən həyata keçiriləcək.

Avropa Kosmik Agentliyi 1975-ci ildə kosmosun öyrənilməsi məqsədilə yaradılan beynəlxalq təşkilatdır. “ESA” 22 daimi üzvdən ibarətdir, həmçinin bəzi layihələrdə Kanada iştirak edir.   

Nizam Nuriyev





Baxış sayı: 326

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024