XƏBƏRLƏR

Tarix:07/09/18

“Honor Band 4” fitnes bilərziyi təqdim edilib

“Huawei” şirkəti “Honor Band 4” adlı yeni fitnes bilərziyini təqdim edib. Pulsometr, “NFC” texnologiyası ilə təchiz edilmiş “Honor Band 4” populyar “Xiaomi Mi Band 3” qurğusuna alternativ kimi baxıla bilər.

“ICTnews” Elektron Xəbər Xidməti “life.ru” saytına istinadən yazır ki, qurğu 2.5D qoruyucu şüşəsinə malik 0,95 düym diaqonallı rəngli AMOLED displeylə təchiz edilib. Cihaz real vaxt rejimində nəbzin ölçülməsi və süni intellektin köməyi ilə nəticəyə düzəlişi dəstəkləyir. İstehsalçının sözlərinə görə, bunun sayəsində dəqiqlik 94,3% təşkil edir. Həmçinin “Honor Band 4” qurğusu altı oxlu sensor, zəngli saat, taymer və “NFC” texnologiyası ilə təchiz edilib.

Qurğunun avtonom işləmə müddəti təxminən iki həftə təşkil edir. Bilərzik su və toza qarşı dayanıqlıdır, onunla duş qəbul etmək və üzmək olar. Bilərziyin qiyməti 29 dollardan başlayır. “Honor Band 4” bilərziyi sentyabrın 20-dən satışa çıxarılacaq.

Emil Hüseynov

Baxış sayı: 407