12px13px15px17px
Tarix:31/10/18

Yeni “Apple iPad Pro” və “MacBook Air” qurğuları təqdim olunub

ABŞ-ın “Apple” şirkəti Nyu-Yorkda keçirilən təqdimatda yeni qurğular nümayiş etdirib. Bunlar “Mac mini” kompüteri, yenilənmiş “iPad Pro” planşeti və “MacBook Air” noutbukudur.

“ICTnews” Elektron Xəbər Xidməti “RİA Novosti” resursuna istinadən yazır ki, “iPad Pro” və “MacBook Air” qurğularının satışlarına gələn həftə başlamaq planlaşdırılır. 11 və 12,9 düym diaqonallı ekrana malik planşetin ilkin qiyməti müvafiq olaraq 1003.28 və 1246.54 dollar təşkil edəcək.

Məlumata görə, boz, gümüşü və qızılı rənglərdə təklif edilən yeni “Apple” kompüterinin qiyməti 1596.22 dollara bərabər olacaq.

“iPad Pro” əvvəlki modellərdən adi “Home” düyməsinin təchiz edilməməsi və daha nazik korpusu (5,9 mm) ilə seçilir.

Planşetdə “Face ID” funksiyası quraşdırılıb və ilk dəfə qurğu “A12X Bionic” mobil çipi ilə təchiz olunub. Şirkət nümayəndələrinin sözlərinə görə, çip portativ kompüterlərin 92 faizindən güclüdür.

“Retina” ekranlı “MacBook Air” əvvəlki modeldən daha nazik və yüngüldür. 13,3 düymlü və 4 milyon piksel təsvir ölçülü qurğunun displeyi çərçivəsizdir.

Yeni qurğu “Touch ID” funksiyası ilə təchiz edilib. “Mac mini” kompüterində 4 nüvəli və ya 6 nüvəli səkkizinci nəsil “Intel” prosessorları və “T2” təhlükəsizlik çipi quraşdırılıb.

Nizam Nuriyev





Baxış sayı: 275

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024