XƏBƏRLƏR

Tarix:14/11/18

Enerji effektivli superkompüterlərin reytinqi dərc edilib

Ən məhsuldar sistemlərin reytinqi (TOP500) ilə yanaşı, sistemlərin enerji effektivliyi üzrə sıralandığı "Green500" reytinqi də yenilənib.

"ICTnews" Elektron Xəbər Xidməti "ixbt.com" saytına istinadən yazır ki, 1,3 QHs takt tezlikli "Intel Xeon D-1571 16C" prosessorları və "PEZY-SC2" sürətləndiriciləri ilə təchiz edilmiş "Shoubu system B – ZettaScaler-2.2" superkompüteri bu reytinqdə liderdir. Sözügedən sistem Yaponiyanın Superkompüter Mərkəzində quraşdırılıb. Göstəricisi 17,6 GFLOPS/Vatt təşkil edir. Mütləq məhsuldarlığı 1,06 PFLOPS-dur ki, bu da "Top500" reytinqində 374-cü yerə uyğun gəlir.

"Green500" reytinqində ikinci yerdə qərarlaşmış "Nvidia DGX - 1 Volta36", "Intel Xeon E5-2698v4 20C" və "Nvidia Tesla V100" əsasında işləyən "DGX SaturnV Volta" sistemi ABŞ-da qurulub. Bu superkompüterin enerji effektivliyi 15,1 GFLOPS/Vatt təşkil edir. Maraqlıdır ki, "DGX SaturnV Volta" sisteminin məhsuldarlığı "Shoubu system B"-dən 1 pillə yuxarıdır, yəni "Top500" reytinqində 373-cü yerdə qərarlaşıb.

"IBM Power9" prosessorları və "Nvidia Volta GV100" sürətləndiriciləri ilə işləyən "Summit – IBM Power System AC922" sistemi ilk üçlükdə qərarlaşıb.

Emil Hüseynov

Baxış sayı: 333