XƏBƏRLƏR

Tarix:22/11/18

“Android” istifadəçiləri zərərli proqramları 500 min dəfə yükləyiblər

Kompüter təhlükəsizliyi sahəsi üzrə mütəxəssislər “Google Play” internet mağazasında orijinal proqramlar kimi maskalanmış və istifadəçilər tərəfindən 500 min dəfə yüklənmiş 13 saxta oyun aşkar ediblər. Bu haqda “The Bleeping Computer” portalı məlumat verib.

“ICTnews” Elektron Xəbər Xidməti “ria.ru” saytına istinadən yazır ki, məlumata görə, zərərli proqramlar “Luis O Pinto” adlı tərtibatçı tərəfindən yerləşdirilib. Quraşdırmadan sonra proqramlar ekrandan öz ikonlarını silir və fon rejimində proqramlaşdırılmış ünvandan başqa proqram yükləyirlər.

Zərərli proqram şəbəkəyə tam giriş, bütün şəbəkə qoşulmalarına baxış, həmçinin mobil qurğunu açdıqda avtomatik işə salma üçün icazə istəyir.

Emil Hüseynov

Baxış sayı: 336