XƏBƏRLƏR

Tarix:03/12/18

Çində ilk dəfə “3D” printerdə körpü çap edilib

Şanxayda “3D” printerdə çap edilmiş polimer körpü Taopu rayonunun mərkəzi parkında quraşdırılacaq. Sözügedən körpü “Shanghai Construction Group” tərəfindən yaradılmış unikal texnologiya üzrə hazırlanıb. Arxitektorlar konstruksiya üzərində 35 gün vaxt sərf ediblər.

“ICTnews” Elektron Xəbər Xidməti “hightech.plus” saytına istinadən yazır ki, körpü sterol-akrilonitril akrilat maddəsindən hazırlanıb. Adətən bu maddə “3D” çapda prototiplərin yaradılmasında istifadə edilir. Material günəş şüaları, yağış və başqa hava şəraitinin uzunmüddətli təsirinə davamlıdır.

Uzunluğu 15,25 metr, eni 2,8 metr və hündürlüyü 1,2 metr olan körpü Çində qəbul edilmiş bütün inşaat normaları və qaydalarına uyğun hazırlanıb. Mühəndislərin sözlərinə görə, bu körpü təxminən 30 il xidmət edəcək.

"Körpü hər bir kvadrat metr üçün 250 kq ağırlığa dayanıqlıdır. Beləliklə, körpünün üzərində eyni anda 60 yaşlı insan hərəkət edə bilər" – “Shanghai Construction Group”un baş mühəndisinin müavini Çen Syaomin deyib.

Emil Hüseynov

Baxış sayı: 532