12px13px15px17px
Tarix:06/12/18

Bakutel Tech Talks 2018

5 dekabr tarixində saat 14:00-da 24-cü Azərbaycan Beynəlxalq Telekommunikasiya və İnformasiya Texnologiyaları “Bakutel” Sərgi və Konfransı çərçivəsində Bakutel Tech Talks tədbirinin “Bizimkilər” adlı sessiyası öz işinə başladı. İctimai TV-nın tanınmış aparıcısı Vüsalə Səid Bakutel Tech Talks proqramının açılışını etdi. Sessiyanın adını şərtləndirən amil dünyaca məşhur olan xarici İT şirkətlərində çalışan həmvətənlərimizin spikerlər qismində çıxış etməsi ilə bağlı idi. “Bizimkilər” sessiyasının məqsədi tədbirə toplaşan auditoriyanı nəhəng beynəlxalq İT şirkətlərinin təcrübəsi, eləcə də sənaye yenilikləri və istehsal sirləri ilə tanış etmək idi. Daha sonra “Kompüter obrazlarının tanınması üzrə kompleks təlim” barədə danışmaq üçün söz Zaur Fətəliyevə (Baş mühəndis, LG Electronics, Koreya) verildi. Elçin Əsgərli (Proqram təminatı üzrə mühəndis, Google, ABŞ) “Müasir kompleks proqram təminatı mühəndisliyi” məruzəsi ilə, Maral Qurbanzadə (Tədqiqatçı, “LIACS” İnstitutu ​​(Leyden Kompyuter Elmləri İnstitutu)​, Niderland Krallığı) “Sosial robotlar, onların layihələndirilməsi üzrə təmayüllər, eləcə də sosial robotların qlobal bazara daxil edilməsinin mümkün nəticələri” mövzusu ilə, Tağı Əliyev (Tam ştatlı doktorant, “CERN” (Avropa Nüvə Tədqiqatları Təşkilatı)), “Süni İntellekt Tibbdə və Elmdə: Bilinən bilinməyənlər, süni intellektin məhdudiyyətləri və mümkün gələcəyi”maraqlı çıxışı ediblər. Bu sessiya Rüstəm Həşimovun (Proqram təminatı üzrə baş mühəndis, Facebook, ABŞ) “Onlayn platformalarda individual tövsiyə sistemləri: Müasir dövrdə proqram təminatının işlənib hazırlanması və onun nəticələri üzrə praktiki nümunənin araşdırılması” məruzəsi ilə yekunlaşdı.
 
6 dekabr tarixində saat 11:00-da “Bakutel Tech Talks” proqramı “Baxış bucağınızı bizimlə İT-iləyin” şüarı altında panel müzakirələr ilə davam edəcək. Burada əsas ideya teleradio yayım, nəqliyyat, təhsil və turizm kimi müəyyən sahələrdə tələb olunan İT texnologiyalar və həll variantlarıdır. Tədbirin məqsədi rəqəmsal innovasiyaların istehlakçıları və təchizatçıları arasında dialoq qurmaqdır. Birinci mövzu ilə televiziya texnologiyalarının inkişaf vektorlarına toxunulacaq. Sessiyanın moderatoru qismində AvtoStop layihəsinin müəllifi Tural Yusifov, müzakirələrdə isə KATV1 Yeni Layihələrin Gəlişdirməsi şöbəsinin müdiri Əli Əliyev çıxış edəcək.
 
Daha sonra müzakirələr aşağıdakı spikerlərin iştirakı ilə “Nəqliyyat sahəsində İT texnologiyaları” paneli çərçivəsində aparılacaq: Ramin Bayramov – İnformasiya Təhlili və İnformasiya Texnoloqiyaları Şöbəsinin Müdiri, Dövlət Avtomobil Nəqliyyatı Xidməti, Samir Kərimov 189 Taksi Xidmətinin İcraçı direktoru.
 
Növbəti “Təhsil sahəsində İT texnologiyaları” adlı panelin moderatoru Cavid İsmayılovdur. Burada əsas spikerlər: Vüsal Xanlarov – Azərbaycan Respublikası Təhsil Nazirliyinin Təhsil Sisteminin İnformasiyalaşdırılması idarəsinin rəisi, Araz Yusubov – İnformasiya texnologiyaları və mühəndislik fakültəsinin dekanı, ADA, Tatyana Mikayilova – Edutainment.az həmtəsisçi və Anar Məmmədov – Heydər Əliyev adına Müasir Təhsil Kompleksinin direktor müavini.
 
Dördüncü panel “Turizm sahəsində IT texnologiyaları” adlanır, moderator – Nigar Arpadarai – F1 Azerbaijan GP Marketinq və Kommunikasiya şöbəsinin rəhbəri, məruzəçilər: İldırım Qəmbərov – Baş direktor müavini, Pasha Travel, Məhəmməd Muradov  – Dövlət Turizm Agentliyinin Turizm Siyasəti şöbəsinin rəhbəri, Rüfət Bağırov – Bakı Turizm İnformasiya Mərkəzinin direktoru.
 
Elə həmin gün, yəni 6 dekabrda saat 15:50-də “Bakutel Tech Talks” öz işini “Startap-dan böyük biznesə” sessiyası ilə davam etdirəcək. Startap və gənc iş adamlarının dəvət olunduğu bu sessiyada təcrübəli məruzəçilər dinləyiciləri istənilən ideyanı reallaşdırmağın mümkün olması xüsusunda əmin etməyə çalışacaqlar. Sessiyanın ilk parlaq çıxışı biznesin qurulması və startapların işə başlaması sahəsində tanınmış ekspert, habelə iri investor və sahibkar, İsraildə bir neçə biznes-akseleratorların və beynəlxalq innovasiya mərkəzlərinin rəhbəri Tala Katranın məruzəsi olacaq. O, həm ən müxtəlif texnologiyalar sahəsində nəhəng yüksək texnoloji şirkətlərin, həm də ilkin mərhələdə olan startapların idarə edilməsi sahəsində böyük təcrübəyə malikdir.
 
Bu sessiyanın maraqlı məruzəçiləri arasında aşağıdakı şəxslər olacaq: Cavid Məmmədov, Sumaks Technologies MMC-nin Direktoru, Fərid Pərdəşünas, “Technote Media və Hotbots Robotics”-nin Təsisçisi, və PictoFy şirkətinin proqram təminatının işlənib hazırlanması üzrə gənc mütəxəssisi - Məqrur Rzayev.
 
Bütün məruzələrin əsas ideyası “startap” sisteminin necə işlədiyinin və ideyadan işlək olan biznesə qədər “startapların” düzgün qurulma qaydalarının izah edilməsidir. Bu sessiya ideyalar tapmaq, yoxlamaq və həyata keçirmək, onlardan qazanc əldə etmək, ideyaların paylaşılmasının əhəmiyyəti və ideyanın oğurlanmadan necə paylaşılacağı barədə məlumat almaq istəyən şəxslər üçün tapıntı olacaq.
Beləliklə, “Bakutel Tech Talks” proqramında sənayenin ən aktual məsələlərinə toxunulacaq və tədbir ideya rəhbərləri ilə müzakirələr üçün müasir təmayüllü platformaya çevriləcəkdir.















Baxış sayı: 146

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






16 Fevral 2019

15 02 2019

15/02/19
İnformasiya Texnologiyalarının İnkişafı Dövlət Fondunun Müşahidə Şurasının yeni tərkibdə ilk iclası keçirilib

Nəqliyyat, Rabitə və Yüksək Texnologiyalar Nazirliyinin yanında İnformasiya Texnologiyalarının İnkişafı Dövlət

15/02/19
“Android” üçün on minlərlə proqram istifadəçiləri izləyir

Kaliforniyada Beynəlxalq Kompüter Elmləri İnstitutu tərəfindən keçirilmiş yeni araşdırma nəticəsində 

15/02/19
Süni yarpaqlar qlobal istiləşmə ilə mübarizədə kömək edəcək

Süni yarpaqlar fotosintez prosesini təqlid edir, amma bunu yalnız laboratoriyada edə bilərlər, çünki rezervuarlarda 

15/02/19
Spartakiadanın sonuncu yarışı keçirilib

“Sağlamlıq – 2018” Respublika Spartakiadası çərçivəsində son olaraq stolüstü tennis oyunları 

15/02/19
Hindistan hökuməti istifadəçilərin yazışmasını oxumaq imkanını tələb edir

“Facebook” şirkəti növbəti dəfə Hindistan hökumətinin təzyiqi (“WhatsApp” messencerində istifadəçilərin 

15/02/19
Cinayətkarların yaxalanmasında əl təsvirlərindən istifadə ediləcək

Böyük Britaniyanın Lankaster Universitetinin tədqiqatçıları əllərin təsvirinin köməyilə cinayətkarları 

15/02/19
Tezliklə “Instagram”ın veb versiyasında “Direct” funksiyası əlçatan olacaq

Məşhur sosial şəbəkənin istifadəçiləri xidmətin veb-versiyasında bir-biri ilə ünsiyyət saxlaya biləcəklər.

15/02/19
“Shade” virusunun aktivliyi qeydə alınıb

“Eset” antivirus proqram təminatı istehsalçısı “Shade” adlı fırıldaq xarakterli virusun yayılması haqqında