12px13px15px17px
Tarix:07/12/18

1 xətt 3 xidmət

Nəqliyyat, Rabitə və Yüksək Texnologiyalar Nazirliyi "Bakı Telefon Rabitəsi" MMC “Bakutel-2018” sərgisində paytaxtın telekommunikasiya infrastrukturundakı ən son yeniliklərini təqdim edib.
 
Sərgi ziyarətçiləri “Baktelecom” tərəfindən əlavə avadanlıq olmadan GPON (Gigabit Passive Optical Network) texnologiyası əsasında göstərilən bir xətlə üç xidmət haqqında geniş məlumat əldə edə bilərlər. "Evədək optika" layihəsi çərçivəsində tətbiq olunan texnologiya telefon, internet və IPTV xidmətlərinin optik xətt üzərindən rahat qoşulmasını təmin edir. Artıq “Baktelecom” daha çox müştəriyə xidmət göstərilməsi üçün Finlandiyanın rabitə texnologiyaları sahəsində bu günlərdə dünya miqyaslı “Nokia” şirkəti ilə müqavilə imzalayıb. İlkin mərhələdə 400 min avadanlığın alınması ilə bağlı əməkdaşlıq qurulub.
 
Qeyd edək ki, "Evədək optika" layihəsi çərçivəsində Bakı şəhəri üzrə 40 min mənzildə xidmət göstərilməsi üçün infrastruktur yaradılıb. Növbəti il bu rəqəmin 100 minə qədər artırılacağı gözlənilir.
 
Eyni zamanda, sərgi iştirakçılarına paytaxtın telekommunikasiya infrastrukturu məhdud ərazilərində tətbiq edilən LTE (Long Term Evolution) texnologiyasının üstünlükləri və simsiz şəbəkənin əhatə dairəsi haqqında geniş məlumat təqdim olunacaq. Bu ilin mart ayından etibarən Abşeron yarımadasının bütün kəndlərində, eləcə də Bakının bəzi ərazilərində sakinlər simsiz rabitə xidmətinə qoşularaq multimedia xidmətləri ilə təmin olunublar. Hazırda 15 min sakinin telekommunikasiya xidmətlərinə qoşulması üçün infrastruktur yaradılıb. Layihə 2019-cu ildə də davam etdirilərək simsiz şəbəkənin əhatə dairəsi genişləndiriləcək. Belə ki, növbəti il 30 minlik infrastruktur əhalinin istifadəsinə təqdim olunacaq.
 
“Baktelecom”un evlər və korporativ müəssisələr üçün “Ayrılmış İnternet Kanalı” (AİK) xidməti də sərgidə yer alır. Fiber-optik xətlər üzərindən təmin edilən AİK xidməti ilə videomüşahidə, İP telefoniya, İPTV xidmətlərindən rahat istifadə imkanı, eləcə də şirkətin fərdi və korporativ müştərilər üçün nəzərdə tutulan xidmətlər paketi güzəştli tarifləri təklif edir.









Baxış sayı: 23

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






21 Oktyabr 2019

21/10/19
İKT-dən cinayətkar məqsədlər üçün istifadə ilə mübarizə haqqında konvensiyanın hazırlanması təklif olunur

BMT Baş Assambleyasının 74-cü sessiyasının üçüncü komitəsinin iclasında Rusiya və Belarusun bir sıra digə

21/10/19
Nəqliyyat, Rabitə və Yüksək Texnologiyalar Nazirliyinin dəstəyilə kibertəhlükəsizliyə dair təlim keçirilib

Nəqliyyat, Rabitə və Yüksək Texnologiyalar Nazirliyi və Azərbaycan Banklar Assosiasiyasının dəstəyi, “İKT LAB

21/10/19
Britaniyada yeni superkompüter tikiləcək

Böyük Britaniyanın Edinburq Universitetində ikinci nəsil “AMD EPYC” prosessorları əsasında “ARCHER2” adlı

21/10/19
Məlumatları saniyədə 1 petabit sürətlə ötürən ilk şəbəkə qovşağı yaradılıb

Yapon mühəndisləri petabitlik şəbəkələr üçün ilk optik kommutator prototipini nümayiş etdiriblər. Belə a

20 10 2019