12px13px15px17px
Tarix:27/12/18

“Samsung” şirkəti “CES 2019” sərgisində yeni “OLED” ekranlar nümayiş etdirəcək

Cənubi Koreyanın “Samsung” şirkəti yanvarın 8-12-də Las-Veqasda keçiriləcək “Consumer Electronics Show” (CES) istehlak elektronikası sərgisində qabaqcıl “Sound on Display” üzvi işıq diodlu (OLED) ekranlar nümayiş etdirəcək.

“ICTnews” Elektron Xəbər Xidməti “3DNews” resursuna istinadən yazır ki, söhbət təkcə təsviri göstərən deyil, eyni zamanda səsi generasiya edən panellərdən gedir. Bunun üçün vibrasiyalar və sümük keçiricilik qabiliyyətinə malik texnologiya istifadə olunur.

Məlumata görə, “Sound on Display” tam çərçivəsiz smartfonların yaradılması istiqamətində atılan növbəti addımdır. Yeni tipli ekranlar mobil qurğularda tətbiq edilən ənənəvi dinamiklərdən imtina etməyə imkan verəcək.

Bildirilir ki, “Samsung” şirkəti “CES 2019” sərgisində mobil qurğularla yanaşı, televizorlar üçün “Sound on Display” panelləri təqdim edəcək. “Akustik ekranlı” kommersiya məhsullarının 2019-cu ildə satışa çıxarılacağı gözlənilir.

“Samsung”, həmçinin smartfonun ön kamerasını bilavasitə ekran arxasında quraşdırmağa imkan verən texnologiyanın hazırlanması ilə məşğuldur. Ekran daktiloskopik skaneri və “Sound on Display” sistemi ilə birlikdə bu həll smartfonların bütün ənənəvi ön komponentlərini displey sahəsinə inteqrasiya etməyə şərait yaradacaq.

Nizam Nuriyev





Baxış sayı: 414

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024