XƏBƏRLƏR

Tarix:31/01/19

“Google” sosial şəbəkəsində tezliklə istifadəçilərin hesabları bağlanacaq

“Google” şirkəti xüsusi dəstək səhifəsində “Google+” sosial şəbəkəsinin fəaliyyətinin dayandırılacağını elan edib. Bu haqda hələ ötən ilin oktyabrında bildirilmişdi, indi isə daha ətraflı məlumat verilib.

“ICTnews” Elektron Xidməti “ixbt.com” saytına istinadən yazır ki, aprelin 2-dən “Google+” sosial şəbəkəsində şəxsi hesabların bağlanılmasına başlanacaq. Bu vaxta kimi istifadəçilər sosial şəbəkədə saxlanılan məlumatlarını yükləyə bilərlər. “Google+” hesabı bağlandıqdan sonra şəkillər “Google Photos” xidmətindən yoxa çıxmayacaq.

Fevralın 4-dən isə “Google+” şəbəkəsində yeni profil, səhifə, cəmiyyət yaratmaq mümkün olmayacaq. Yaxın həftələr ərzində “Google+” xidmətinin köməyi ilə saytlara giriş imkanı əlçatmaz olacaq, əvəzində “Google”un köməyi ilə daxilolma düyməsi təqdim ediləcək.

“Google” sosial şəbəkəsi uğursuz layihə olaraq populyarlıq qazanmadı.

Emil Hüseynov

Baxış sayı: 505