XƏBƏRLƏR

Tarix:01/02/19

İnsanlar həyatının üçdə birini internetdə keçirir

“Hootsuite” və “We Are Social” ekspertləri 2018-ci ilin yekununa görə internetin inkişafı və onun həyatımızdakı rolunu qiymətləndirib. Orta statistik istifadəçi internetdə 6 saat 42 dəqiqə vaxt keçirir. Bu o deməkdir ki, insanlar həyatının üçdə birini internetdə keçirir.

“ICTnews” Elektron Xəbər Xidməti “hightech.plus” saytına istinadən yazır ki, Rusiyada orta göstərici 6 saat 29 dəqiqə təşkil edir. Filippinlilər isə internetdə 10 saatdan çox vaxt keçirir. Həmçinin Braziliya, Tailand və Kolumbiya sakinləri internetdə 9 saatdan çox vaxt keçirirlər.

Reytinqin son pilləsində Yaponiya qərarlaşıb. Bu ölkədə insanlar internetdə 4 saatdan az vaxt keçirir. Avropanın bir sıra zəngin ölkələrində bu göstərici 5-6 saat təşkil edir.

Afrika ölkələrində isə internet istifadəçilərinin sayı yüksək templə artır. Ekspertlər bunu ucuz və ya hətta ödənişsiz internetin təmini üçün çoxsaylı təşəbbüslərin olması ilə izah edirlər.

Emil Hüseynov

Baxış sayı: 355