12px13px15px17px
Tarix:11/02/19

“Samsung Galaxy M30” smartfonunun konstruktiv xüsusiyyətləri açıqlanıb

İnternetdə orta səviyyəli “Samsung Galaxy M30” smartfonunun əsas konstruktiv xüsusiyyətlərini açıqlayan şəkli dərc edilib.

“ICTnews” Elektron Xəbər Xidməti “3DNews” resursuna istinadən yazır ki, qurğu əvvəllər “Galaxy M10” və “Galaxy M20” modellərinin təmsil olunduğu yeni “M Series” ailəsinə daxil olacaq. “Samsung Galaxy M30” smartfonu yuxarı hissədə kameranın quraşdırıldığı “Infinity-V” ekranı ilə təchiz ediləcək. Ekran diaqonalının ölçüsü 6,38 düym, təsvir ölçüsü isə 2210 × 1080 piksel (Full HD+) təşkil edir.

Məlumata görə, ön kameranın təsvir ölçüsü 16 milyon pikselə bərabər olacaq. Arxa tərəfdə 13 milyon pikselli ötürücüyə malik üç əsas kamera və 5 milyon pikselli iki sensor quraşdırılıb. Bundan başqa, arxada daktiloskopik skaner yerləşdirilib.

Yeni modelin qabaritləri 159 × 75,1 × 8,4 mm, çəkisi 175 qram təşkil edir. Enerjini 5 min milliamper/saat tutumlu akkumulyator təmin edəcək.

Digər xüsusiyyətlərə gəlincə, “Galaxy M30” smartfonu “Samsung Exynos 7904” prosessoru, 6 giqabayt operativ yaddaş, 128 giqabayt tutumlu quraşdırılmış yaddaş və “USB Type-C” simmetrik portu ilə təchiz ediləcək.

“Samsung Galaxy M30” smartfonunun yaxın vaxtlarda təqdim ediləcəyi gözlənilir.

Nizam Nuriyev





Baxış sayı: 309

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






18 Avqust 2019

17 08 2019

17/08/19
“NVIDIA” və “AutoX” şirkətləri Avropa bazarı üçün avtomatlaşdırılmış taksi hazırlayacaq

2020-ci ilin sonunadək “NVIDIA” qrafik prosessorlar istehsalçısı “AutoX” və “NEVS” şirkətləri ilə 

17/08/19
“iPhone” smartfonunda yeni təhlükəli boşluq aşkar edilib

Hakerlər "Kontaktlar" proqramının köməyi ilə “iPhone” qurğusuna müdaxilə etməyə 

17/08/19
Dəriyə bərkidilən yeni datçiklər istifadəçinin sağlamlıq vəziyyətini izləyir

Stenford Universitetinin mühəndisləri plastır kimi dəriyə yapışan datçiklərin