12px13px15px17px
Tarix:14/03/19

“OnMed” stansiyası həkimi əvəz edəcək

Tibbi onlayn konsultasiyalar tədricən həyatımızın bir hissəsinə çevrilir. Ancaq yalnız danışıq və ya mətn mesajları kifayət deyil. HD formatlı kamera və müxtəlif datçiklərlə təchiz edilmiş yeni “OnMed” stansiyası həkim effektini gücləndirir, həm də həkimin təyinatı ilə dərman vasitəsi verir.
 
“ICTnews” Elektron Xəbər Xidməti “techcult.ru” saytına istinadən yazır ki, kiçik stansiya və ya köşk formasında hazırlanmış “OnMed” vasitəsilə həkimlə məsafədən ünsiyyət saxlamaq mümkündür. Video və səs avadanlığının  köməyi ilə xarici müayinədən başqa, həkim pasiyentin əsas fiziki parametrləri (boy, çəki, BKİ (Bədən Kütlə İndeksi), tənəffüs və qanın oksigenlə təchizi) haqqında informasiya əldə edir. Sözügedən stansiya, həmçinin bədənin temperaturunun istilik "təsvirini" yaradır və orqanizmdə infeksiyaların mövcudluğu ilə bağlı diaqnoz qoyur.
 
“OnMed” stansiyası konsultasiya bitdikdən sonra xəstəyə yüzlərlə dərmandan ibarət olan öz ehtiyatından dərman verir. Lazımi dərman vasitəsi olmadıqda “OnMed” aptek üçün resept çap edir.
 
“OnMed” stansiyasında əlaqə seansı zamanı məxfilik qaydalarına diqqətlə riayət edilir: köşk kənar şəxslərdən tam qorunur. Abunəçilərin eyniləşdirilməsi üçün 3D sifət tanınma sistemindən istifadə edilir. Konsultasiyanın müddəti 15 dəqiqədən çox olmur.
 
Emil Hüseynov





Baxış sayı: 528

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024