12px13px15px17px
Tarix:30/03/19

Bakıda Beynəlxalq Dron Olimpiadasının Azərbaycan finalı keçirilib

Bu gün Nəqliyyat, Rabitə və Yüksək Texnologiyalar Nazirliyi və "RoboPark"ın tərəfdaşlığı, Gənclər və İdman Nazirliyinin dəstəyi ilə Azərbaycan Robotexnika Mühəndislik Akademiyası (AREA) tərəfindən SABIS Sun Beynəlxalq Məktəbində Beynəlxalq Dron Olimpiadasının Azərbaycan finalı keçirilib.

Nəqliyyat, rabitə və yüksək texnologiyalar nazirinin müavini Elmir Vəlizadə çıxış edərək bildirib ki, milli final 2019-cu ildə Koreyada keçiriləcək Beynəlxalq Dron Olimpiadasına hazırlıq məqsədi daşıyır.

Nazir müavini qeyd edib ki, Nəqliyyat, Rabitə və Yüksək Texnologiyalar Nazirliyinin dəstəyi ilə həyata keçirilən "RoboPark" layihəsi çərçivəsində bu gün Bakı şəhəri ilə yanaşı, respublikanın bir sıra regionlarında da robotexnika, dronların yaradılması və idarə olunması mexanizmləri tədris olunub. O, son illər ölkəmizdə bu sahənin inkişafına böyük diqqət ayrıldığını vurğulayıb:

"Məktəblilərin erkən yaşda bu prosesə cəlb olunması peşəkar mütəxəssislərin yetişdirilməsi baxımından olduqca əhəmiyyətlidir. Ümidvaram ki, bugünkü yarışda qalib gələn komandalar Beynəlxalq Dron Olimpiadasında ölkəmizi layiqincə təmsil edəcəklər".

Sonra çıxış edən gənclər və idman nazirinin müavini İntiqam Babayev qeyd edib ki, dron olimpiadası intellektual yarış növlərinə aid edilir. O, təmsil etdiyi qurumun belə bir olimpiadaya dəstək verməsindən məmnunluğunu ifadə edib.

Olimpiadada Bakı və Sumqayıt şəhərlərində fəaliyyət göstərən dövlət və özəl orta təhsil müəssisələrində təhsil alan 7-12 yaş arası 60 şagird 3 kateqoriya üzrə ən uğurlu pilot olmaq uğrunda mübarizə aparıblar.

Şagirdlər öz gücünü "Drone Race", "Drone Football" və "Drone Challenge" olmaqla 3 fərqli kateqoriyada sınayıblar. Onlar "Drone Race" kateqoriya üzrə ən sürətli pilot olmaq üçün yarışıblar. Şagirdlərin ən çox sevdiyi kateqoriya olan "Drone Football"-da dronlarla havada futbol oynanılıb. Şagirdlər arasında ən böyük rəqabət "Drone Challenge" kateqoriyasında olub.

Beləliklə, "Drone Race" kateqoriyasında I yeri Polad İsmayıllı, II yeri Cavanşir Hacıhəsənli, III yeri isə Eldar Mustafayev tutub. "Drone Football" kateqoriyasında I, II və III yerlərə müvafiq olaraq Eldar Mustafayev və Nərmin Məmmədova, Əli Məmmədquliyev və Nihad Qarayev, Fatimə Əliyeva və Kənan İbrahimli layiq görülüb. "Drone Challenge" kateqoriyasında I yerin qalibi Eldar Mustafayev, II yerin sahibi Alı Məmmədquliyev olub. Bu kateqoriyada III yerdə Ömər Hacıhəsənli qərarlaşıb.

Hər kateqoriya üzrə ilk 3 yeri tutan iştirakçılar sertifikat və hədiyyələrlə təltif edilib.

Qaliblər Azərbaycanda ilk dron pilot uçuş vəsiqələrini əldə ediblər.




















































Baxış sayı: 112

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






17 Fevral 2020

17/02/20
Mürəkkəb yaraları sağaltmaq üçün “ağıllı” sarğı hazırlanıb

Konnektikut Universitetinin alimləri dərmanların birbaşa yaraya çatdırılması üçün simsiz işləyən

17/02/20
“Apple” növbəti nəsil “iPhone” smartfonlarını öz “5G” antena modulu ilə təchiz etmək niyyətindədir

Çoxsaylı şayiələrə görə, “Apple” cari ildə “Snapdragon X55” modemi əsasında işləyən və beşinci

17/02/20
Süni intellektə hərbi dronların idarə edilməsi öyrədiləcək

ABŞ-ın Buffalo Universitetinin tədqiqatçıları süni intellektə hərbi pilotsuz uçan aparatlar donanmasını i

17/02/20
“Chrome” brauzeri üçün 500-dən çox təhlükəli genişlənmə aşkar edilib

“Chrome” brauzeri üçün “Chrome Web Store”dən milyon dəfələrlə yüklənmiş 500-dən çox genişlə

17/02/20
Yeni bilərzik istifadəçinin ətrafındakı mikrofonların səsini batırır

Çikaqo Universitetinin alimləri istifadəçinin ətrafındakı mikrofonların səsini batıran yeni bilərzik

17/02/20
“Huawei” kommersiya sirlərinin oğurlanmasında ittiham edilir

ABŞ Ədliyyə Nazirliyi Çinin “Huawei” telekommunikasiya şirkətinə qarşı yeni ittihamlar irəli sürüb.

17/02/20
Yeni üztanıma sistemi 1 km-dək məsafəni dəstəkləyir

ABŞ Müdafiə Nazirliyinin sifarişi üzrə hazırlanmış yeni üztanıma sistemi 1 km-dək məsafəni dəstəkləyir

17/02/20
Britaniya “EuroHPC” layihəsini tərk edib

Böyük Britaniya müasir superkompüterlərin yaradılması üzrə “EuroHPC” Panavropa layihəsini tərk edib.

17/02/20
Lazerlər internetin sürətini min dəfə artıracaq

Lids və Nottingem universitetlərinin tədqiqatçıları teraherslik kvant kaskad lazerin idarə olunması sahəs

16 02 2020