PROQRAM TƏMİNATI

Tarix:12/11/11

“Adobe” şirkəti 750 iş yerini azaldacaq

“Adobe Systems” şirkəti əsasən Şimali Amerika və Avropada 750 iş yerini azaldacaq. Şirkət daxilində yenidən strukturlaşdırmaya əsasən, əməkdaşların işdən çıxarılması ilə əlaqədar kompensasiyaların ödənilməsinə təxminən 87-94 milyon dollar xərclənəcəyi güman edilir.

Şirkət strukturundakı dəyişikliklər əsasən, rəqəmsal multimedia məzmunu, həmçinin, rəqəmsal marketinqin yaradılması kimi sürətlə inkişaf edən kateqoriyalar üçün proqram həllərinin hazırlanması ilə əlaqədar səylərin yenidən paylaşdırılması ilə bağlı olacaq.

Press-relizdə bildirilib ki, şirkətin həlləri istehlakçıya heç bir çətinlik olmadan rəqəmsal məzmun yaratmağa, yaymağa və pul qazanmağa, həmçinin rəqəmsal marketinqi və reklamı idarə etməyə imkan yaradacaq.

Baxış sayı: 1466