12px13px15px17px
Tarix:15/05/19

İkiekranlı “HP” noutbukunda oyun zamanı “YouTube”a baxmaq mümkündür

"HP" şirkəti güclü "Omen X 2S" oyun noutbukunu nümayiş etdirib. Yeni qurğu klaviaturanın yuxarı hissəsində yerləşən 6 düym diaqonallı yardımçı "Full HD" ekranla seçilir. İdeya ondan ibarətdir ki, istifadəçilər oynamaqla paralel şəkildə "Twitch" servisində birbaşa translyasiyaya və ya "YouTube"da tədris videoçarxlarına baxa, "Discord" çatında komanda üzvü ilə söhbət edə və ya prosessorun yükünü izləyə bilsinlər.

 

"ICTnews" Elektron Xəbər Xidməti "Vesti" resursuna istinadən yazır ki, bundan başqa, oyunçunun rahatlığı üçün ikinci displeydə oyunun bir sıra elementlərini göstərmək mümkündür. Burada, məsələn, böyüdülmüş şəkildə mini-kart və ya spidometri təkrarlamaq olar. Əlavə ekranı, həmçinin bütün digər proqramlar, o cümlədən brauzer dəstəkləyir.

 

Məlumata görə, əsas displey rolunda 144 QHs takt tezlikli 15 düym diaqonallı "Full HD" panel çıxış edir. Daha bahalı "Omen X 2S" modellərində tezlik yenilənməsi 240 giqahersədək, təsvir ölçüsü isə "HDR" dəstəkli "4K" formatınadək artırıla bilər.

 

Noutbukun əsas konfiqurasiyasına səkkiznüvəli "Intel Core i9" çipi, 32 giqabaytlıq operativ yaddaş və "Nvidia GeForce RTX 2080 Max-Q" qrafikası daxildir. Şirkət qurğu üçün məxsusi olaraq istiliyi tez qovan və sürəti 28 faizədək artırmağa imkan verən yeni maye metal soyutma sistemi hazırlayıb.

 

Qalınlığı 22 mm təşkil edən "HP Omen X 2S" noutbukunun akkumulyator tipi və tutumu barədə məlumat verilmir.

 

Noutbukun iyunda ABŞ-da 2100 dollar başlanğıc qiymətlə satışa çıxarılması nəzərdə tutulur.

 

Nizam Nuriyev





Baxış sayı: 334

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






21 İyul 2019

20 07 2019

20/07/19
“Xiaomi” 73 dollara unikal smartfon təqdim edib

Çinin “Xiaomi” şirkəti tərəfindən təqdim edilmiş “Qin 2” smartfonu son dərəcə sadə konfiqurasiyaya malikdir

20/07/19
“iPhone” istifadəçiləri “Android” sisteminə üstünlük verməyə başlayıblar

Vaxt ötdükcə “iPhone” sahiblərinin əksəriyyəti yeni "alma" modelinə 

20/07/19
NRYTN XV Avropa Gənclər Yay Olimpiya Festivalı ilə bağlı gücləndirilmiş iş rejimində çalışır

Nəqliyyat, Rabitə və Yüksək Texnologiyalar Nazirliyi 21-27 iyul tarixlərində Bakı şəhərində keçiriləcək “Bakı 2019

20/07/19
“Microsoft” 10 min müştərini kiberhücumlar haqqında xəbərdar edib

2018-ci ildə “Microsoft” təxminən 10 min müştəriyə onların kiberhücum təhlükəsi