12px13px15px17px
Tarix:21/05/19

Yeni “Google Glass” eynəyi “Android” sistemi ilə işləyəcək

"Google" şirkəti "Google Glass" "ağıllı" eynəyinin yeni versiyasını təqdim edib. "Glass Enterprise Edition 2" adlı modelin xarici görünüşü əvvəlki versiya ilə müqayisədə dəyişməz qalsa da, aparat və proqram təminatı baxımından yenilənib.

 

"ICTnews" Elektron Xəbər Xidməti "IXBT" resursuna istinadən yazır ki, birincisi, eynək artıq "Android" əməliyyat sisteminin idarəetməsi ilə işləyir ki, bu da qurğu üçün mobil əlavələrin yaradılması prosesini sadələşdirəcək. Eynəyin əsasını "Qualcomm" şirkəti tərəfindən dünyanın ilk genişləndirilmiş reallıq platforması (Extended Reality – XR) kimi təqdim edilən "Snapdragon XR1" prosessoru təşkil edir. Platforma xüsusilə süni intellekt vəzifələrinin həlli üçün yüksək məhsuldarlığı təmin edir, eləcə də avtonom iş vaxtını artırır.

 

Həmçinin videoçəkilişin keyfiyyəti yüksəldilib. Enerjinin toplanılması üçün "USB Type-C" portundan istifadə edilir. "Smith Optics" şirkəti ilə əməkdaşlıq sayəsində eynək bir sıra fəaliyyət növləri üçün aktual olan qoruyucu çərçivəyə malikdir.

 

"Google Glass Enterprise Edition 2" eynəyinin qiyməti 999 dollar təşkil edir. Pərakəndə satışa çıxarılmayacaq qurğudan biznes seqmenti nümayəndələri yararlana biləcəklər.

 

Qeyd edək ki, "Google Glass" eynəyi ilk dəfə 2011-ci ildə nümayiş olunub. Rəsmi təqdimat isə 2012-ci ilin ortalarında "Google" tərtibatçılarının konfransında baş tutub.

 

"Google Glass" eynəyinin başlıca xüsusiyyətlərindən biri istifadəçinin gözü qarşısında 640x360 piksel təsvir ölçüsünə malik bərkidilmiş ekrandır ki, bu da "Google" şirkətinin qiymətləndirməsinə görə, təxminən 2,5 metr məsafədə olan yüksək təsvir ölçülü 25 düymlü ekrana bərabərdir.

 

Quraşdırılmış 5 meqapikselli kamera 720p yüksək təsvir ölçülü videonu yazmağa imkan verir. Məlumat və əlavələrin saxlanılması üçün istifadəçi qurğudakı 16 giqabaytlıq yaddaşın 12 giqabaytından yararlana bilər. Akkumulyatorun enerjisi adi gərginlikdə bir gün kifayət edir, lakin bəzi funksiyalar (məsələn, videonun yazılması) enerjidən daha sürətli istifadə edir.

 

Qurğu "Wi-Fi" və "Bluetooth" standartlı simsiz rabitə modulları ilə təchiz edilib. "Bluetooth" vasitəsilə eynəyin smartfonla birlikdə işləməsi mümkün olur.

 

Nizam Nuriyev

 

 





Baxış sayı: 230

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






18 İyun 2019

18/06/19
“Instagram” hesabların bərpası üçün yeni üsulu sınaqdan keçirir

“Instagram” sosial şəbəkəsinin proqramçıları hesabların bərpası üçün yeni üsulu sınaqdan keçirir

18/06/19
“WhatsApp” messencerində yeni fırıldaqçılıq növü aşkar edilib

“Eset” antivirus şirkəti “WhatsApp” messencerində yeni fırıldaqçılıq növü aşkar edib.

18/06/19
Alimlər: “İnternet beyində bərpa olunmaz dəyişikliklərə səbəb olur”

Beynəlxalq tədqiqatçılar qrupu internetin insan yaddaşına və onun sosial fəaliyyət qabiliyyətinə təsiri i

18/06/19
“Volvo” və “Uber” avtonom avtomobil təqdim edib

ABŞ-ın “Uber” taksi sifarişi xidməti və İsveçin “Volvo Cars” avtomobil istehsalçısı “Volvo 

18/06/19
Qanadları ən uzun təyyarə 400 milyon dollara satışa çıxarılıb

“Vulcan” holdinqi qanadlarının uzunluğuna görə dünyanın ən böyük “Stratolaunch” təyyarəsini 400 mily

18/06/19
“Intel” texnoloji startaplar üçün inkubator istifadəyə verib

ABŞ-ın “Intel” mikroprosessorlar istehsalçısı İsraildə avtonom sistem və süni intellekt texnologiyalarını

18/06/19
Bütün “iPhone” smartfonlarına müdaxilə edə bilən proqram hazırlanıb

İsrailin “Cellebrite” şirkəti “iOS 7”-dən “iOS 12.3”-dək əməliyyat sistemlərinin idarəetməsi altında işləyən

18/06/19
“Windows 10” sisteminin bazar payı 50%-ə yaxınlaşır

“NetMarketShare” servisinin məlumatına görə, 2019-cu ilin mayında dünyadakı fərdi kompüterlərin 45,73%-i

17 06 2019