12px13px15px17px
Tarix:22/05/19

Yenilənmiş “Apple MacBook Pro” noutbuku təqdim edilib

“Apple” şirkəti “MacBook Pro” noutbukunun ilk dəfə səkkiz nüvəli prosessorla təchiz edilən yenilənmiş modelini təqdim edib. Bu barədə şirkətin rəsmi saytında deyilir.

 

“ICTnews” Elektron Xəbər Xidməti “TASS” resursuna istinadən yazır ki, məlumata görə, yenilənmiş “MacBook Pro” səkkizinci və doqquzuncu nəsil “Intel” prosessorları ilə təchiz ediləcək. Bu, yeni qurğuya əvvəlki bütün modellərlə müqayisədə daha sürətli işləməyə imkan verəcək. Əvvəllər olduğu kimi, noutbuk iki ölçüdə (13 və 15 düym) və iki rəng versiyasında (gümüşü və boz kosmos) satışa çıxarılacaq.

 

Bildirilir ki, “MacBook Pro” noutbukunun böyük versiyası altı və səkkiz nüvəli prosessorlara malik olacaq. 13 düymlük versiya yenilənmiş dörd nüvəli prosessorla tədarük ediləcək. Kompüterlər, həmçinin çoxfunksiyalı “Touch Bar” sensor paneli ilə təchiz ediləcək.

 

Qeyd edək ki, 1976-cı ildə yaradılan “Apple” şirkəti “iPhone” smartfonları, “iPad” planşetləri, “iMac” kompüterləri, “MacBook” noutbukları, “iPod” musiqi pleyerləri, eləcə də digər yüksək texnologiyalı texnika istehsal edir. Mənzil-qərargahı Kaliforniya ştatının Kupertino şəhərində yerləşən şirkət dünyanın ən böyüklərindən biridir və 2018-ci ilin payızında onun bazar kapitallaşması 1 trilyon dolları üstələyib, lakin hazırda təxminən 840 milyard dollaradək azalıb.

 

Nizam Nuriyev





Baxış sayı: 84

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






17 Fevral 2020

17/02/20
Britaniya “EuroHPC” layihəsini tərk edib

Böyük Britaniya müasir superkompüterlərin yaradılması üzrə “EuroHPC” Panavropa layihəsini tərk edib.

17/02/20
Lazerlər internetin sürətini min dəfə artıracaq

Lids və Nottingem universitetlərinin tədqiqatçıları teraherslik kvant kaskad lazerin idarə olunması sahəs

16 02 2020