12px13px15px17px
Tarix:04/06/19

Kompüter və planşetlər bazarının həcmində azalma gözlənilir

“International Data Corporation” (IDC) tədqiqat şirkəti 2019-cu ildə fərdi kompüter, noutbuk, işçi stansiya və planşetlərin (o cümlədən hibridlərin) qlobal tədarükünün 392,5 milyon ədədə çataraq 2018-ci ilə nisbətdə 3 faiz azalacağını proqnozlaşdırır.

 

“ICTnews” Elektron Xəbər Xidməti “DailyComm” resursuna istinadən yazır ki, analitiklərin gözləntisinə görə, yaxın illərdə kompüter qurğuları bazarının həcmində illik azalma 1,6 faiz olacaq və 2023-cü ildə 1,6 faiz təşkil edəcək.

 

Bazarın natural ifadədə azalmasına baxmayaraq pul ifadəsində azalma gözlənilmir: 2019-cu ildə mədaxil 237 milyard dollar təşkil etməklə 2018-ci ilin göstəricisi ilə müqayisədə dəyişməz qalacaq.

 

Bundan başqa, bazarda ticarət dövriyyəsinin artımına “Windows 7” əməliyyat sisteminin dəstəyinin dayandırılacağı ilə əlaqədar yeni kompüterlər almaqda davam edən korporativ seqment xidmət edir.

 

İstehlak seqmentində kompüter texnikasına tələbat isə azalır. Analitiklərin proqnozuna görə, 2019-cu ildə dünya fərdi kompüter və planşetlər bazarının həcmi 6 faiz azalacaq, yaxın 5 ildə isə tədarükdə illik azalma 2,7 faiz olacaq.

 

Ənənəvi noutbuk və planşetlər istehlak seqmentini sıxışdırmaqda davam edir. Bu isə istifadəçilərin hibrid modellərin də daxil olduğu daha nazik yeni form-faktorlara keçməsi ilə izah olunur.

 

Nizam Nuriyev





Baxış sayı: 525

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024