XƏBƏRLƏR

Tarix:07/06/19

Şirkətlərin məlumatların effektsiz idarəetməsindən illik itkiləri 20 milyon dollara çatır

Korporativ infrastrukturun idarəetməsi üçün “Veeam Software” informasiya texnologiyaları həlləri tərtibatçısı şirkətlərdə məlumatların idarə olunması probleminə həsr edilən tədqiqatın nəticələrini açıqlayıb.

“ICTnews” Elektron Xəbər Xidməti “DailyComm” resursuna istinadən yazır ki, tədqiq edilən təşkilatların 73 faizi müştəriləri məlumat və xidmətlərdən fasiləsiz istifadəsini təmin edə bilmədiyini etiraf edib. Nəticədə biznesin illik itkisi təxminən 20 milyon dollar təşkil edir. Hesabatda məlumatlardan istifadə ilə bağlı problemlərin pozucu effekti xüsusilə qeyd olunur ki, bu da şirkətlərin gəlirlərinin və məhsuldarlığının azalmasına, eləcə də müştərilərin inamının itməsinə səbəb olur.

Bununla yanaşı, bu gün təşkilatlar tərəfindən qeyd olunan problemlərin həlli üçün böyük səylər göstərilir. Onların təxminən 73 faizi məlumatların “bulud”da idarəetməsi üzrə həllərin tətbiqinə çalışır.

Şirkətin proqnozlarına görə, 2025-ci ilədək məlumatların ümumi tutumu 175 zetabaytı ötəcək. Bu məlumatların 60 faizinin istifadəçilər tərəfindən generasiya olunduğu 2018-ci ildən fərqli olaraq 2025-ci ilədək məlumatların 2/3 hissəsi şirkətlərin payına düşəcək. Ekspertlərin fikrincə, şirkətlər məlumatların harada olmasından asılı olmayaraq onların idarəetməsi və mühafizəsini təmin etməlidirlər.

Respondentlərin təqribən yarısı məlumatların mühafizəsini bu investisiyalardan səmərəli istifadə üçün zəruri şərt hesab edir. Şirkətlərin yalnız 37 faizi ehtiyat surətçıxarma və məlumatların mühafizəsi üçün mövcud həllərə güvənir və bu, biznesdə üstünlüyü təmin edəcək yeni texnologiyaların tətbiqini çətinləşdirir.

Nizam Nuriyev

Baxış sayı: 472