XƏBƏRLƏR

Tarix:20/06/19

Qlobal superkompüter reytinqi dərc edilib

“TOP500” layihəsi dünyanın ən güclü superkompüterlər reytinqinin 53-cü versiyasını dərc edib.

“ICTnews” Elektron Xəbər Xidməti “hitech.newsru.com” saytına istinadən yazır ki, bu reytinq 1993-cü ildən etibarən ildə iki dəfə ABŞ və Almaniyadan olan bir neçə alim tərəfindən tərtib edilir. ABŞ-ın superkompüterləri – “Summit” (148,6 petaflops) və “Sierra” (94.6 petaflops) yeni reytinqdə ilk iki yeri tutublar. Çinin “Sunway TaihuLight” və “Tianhe-2A” superkompüterləri 3-cü və 4-cü, ABŞ-ın “Frontera” (23,5 petaflops) superkompüteri isə 5-ci yeri tutub.

Çin (219 ədəd) reytinqdə superkompüterlərin sayına görə liderdir. Sonrakı yerlərdə ABŞ (116), Yaponiya (29), Fransa (19), Böyük Britaniya (18) və Almaniya (14) qərarlaşıb.

Emil Hüseynov

Baxış sayı: 599