12px13px15px17px
Tarix:17/07/19

Portuqaliyada ilk superkompüter işə salınıb

Portuqaliyada “BoB” adlı ilk superkompüter rəsmən istifadəyə verilib. O, Mino Universiteti nəzdində Qabaqcıl Hesablamalar Mərkəzində (Minho Advanced Computer Center, MACC) yerləşir. Superkompüter “MACC” Mərkəzi kimi əsasən günəş, külək və su elektrik stansiyalarından alınan “yaşıl” enerji ilə işləyəcək.

 

“ICTnews” Elektron Xəbər Xidməti “Servernews” resursuna istinadən yazır ki, “BoB” Portuqaliya və Ostin Texas Universiteti arasında əməkdaşlıq çərçivəsində Portuqaliya Elm və Texnika Fonduna (FCT) verilən Texas Qabaqcıl Hesablamalar Mərkəzinin keçmiş “Stampede” superkompüterinin 20 dirəyindən ibarətdir. Səksən hesablama qovşağına malik superkompüterin yaddaş tutumu 2,6 terabayta, quraşdırılmış tutumu isə 1 petabayta bərabərdir. Superkompüterin ən yüksək məhsuldarlığı 1 petaflops olmaqla “Intel Xeon Phi KNL” prosessorları ilə təmin edilir.

 

2016-cı ilin iyununda “Stampede” 6400 qovşaqdan ibarət olub və TOP500 reytinqində 117-ci yeri tutub. Superkompüter “Stampede2” adlı yeni qurğunun inşası ilə əlaqədar 2017-ci ildə fəaliyyətini dayandırıb.

 

Qeyd edək ki, “MACC” Mərkəzi bu yaxınlarda təsis edilib. Onun yaradılması ilə bağlı qərar Portuqaliya və Ostin Texas Universiteti arasında əməkdaşlığın genişləndirilməsi ilə bağlı razılıq əldə olunduqdan sonra qəbul edilib.

 

Mərkəz 2020-ci ilin sonuna “Deucalion” adlı daha bir superkompüteri işə salmaq niyyətindədir. Onun hesablama məhsuldarlığının 9,4 petaflopsa çatacağı gözlənilir.

 

Portuqaliya, həmçinin Avropa Komissiyası tərəfindən təsdiq edilən “Centro Nacional de Supercomputación” Barselona Superkompüter Mərkəzində məhsuldarlığı ekzaflopsa yaxın “pre-exascale” tipli superkompüterin quraşdırılması üzrə digər layihədə iştirak edir. Layihənin icrasına Portuqaliya ilə yanaşı, Türkiyə və Xorvatiya mütəxəssisləri qoşulub. O, İrlandiya tərəfindən də dəstəklənir. Məhsuldarlığı 175 petaflops təşkil edəcək bu superkompüter dünyanın 5 ən güclü superkompüteri siyahısına daxil olacaq.

 

Nizam Nuriyev





Baxış sayı: 176

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






06 İyun 2020

05 06 2020

05/06/20
Dünyada ən yığcam şırnaqlı printer təqdim edilib

“Selpic” şirkəti yığcam çap texnikalarının istehsalçısı kimi tanınır. Bu yaxınlarda şirkət tərəfindən təq

05/06/20
Bill Qeyts bəşəriyyətin çipləşdirilməsi ilə bağlı ittihamlara cavab verib

“Microsoft” korporasiyasının təsisçisi, milyarder və filantrop Bill Qeyts vaksinləşdirmə vasitəsilə bəşər

05/06/20
Poçt şöbələrinin fəaliyyəti məhdudlaşdırılır

Azərbaycan Respublikası Nazirlər Kabinetinin Bakı, Sumqayıt, Gəncə, Lənkəran şəhərlərinin və Abşeron rayo

05/06/20
Gecəgörmə kameralı ilk smartfon işıq üzü görüb

“Oukitel” şirkəti infraqırmızı gecəgörmə kamerası ilə təchiz edilən “Oukitel WP7” adlı dünyanın ilk smart

05/06/20
“iPhone” üçün fırıldaqçı proqramlar aşkar edilib

“AppStore” internet mağazasında 3 fırıldaqçı VPN proqram aşkar edilib. “Avast” şirkətinin

05/06/20
“Windows 7” sisteminin bazar payı açıqlanıb

Genişləndirilmiş dəstəyi 14 yanvar 2020-ci ildə dayandırılan “Windows 7” ən populyar əməliyyat sistemləri

05/06/20
“Honor 8S” smartfonu nümayiş olunub

Çinin texnoloji nəhəngi “Huawei” Böyük Britaniyada “Honor 8S” smartfonunu təqdim edib. Ucuz qurğular si