12px13px15px17px
Tarix:30/08/19

“Chaparral” yük dronunun uğurlu sınaqları keçirilib

ABŞ-da ağır yüklərin daşınması üçün "Chaparral" adlı pilotsuz uçan aparatın ilk sınaq uçuşları keçirilib.  
 
"ICTnews" Elektron Xəbər Xidməti "Regnum" resursuna istinadən yazır ki, çəkisi 225 kiloqramadək olan yüklərin daşınması üçün nəzərdə tutulan dron "Elroy Air" şirkəti tərəfindən yaradılıb. Onun 2020-ci ildə kommersiya istifadəsinə verilməsi planlaşdırılır.   

Məlumata görə, pilotsuz uçan aparat təyyarə sxemi üzrə hazırlansa da, qalxma və enməni vertolyot kimi vertikal şəkildə həyata keçirir.   

Dron elektromotora malik 6 daşıyıcı vint sayəsində uçur və enir, üfiqi hərəkəti isə itələyici vint təmin edir.
Bildirilir ki, çəkisi 551 kiloqram təşkil edən aparat füzelyajın altında yerləşən yük konteyneri vasitəsilə yükləri 500 km məsafəyədək çatdıra bilir.     

Mütəxəssislərin sözlərinə görə, "Chaparral" dronu həm kommersiya, həm də hərbi yükləri daşımaq imkanına malikdir. Bundan başqa, onu axtarış-xilasetmə əməliyyatları üçün tətbiq etmək olar.  

Nizam Nuriyev
 






Baxış sayı: 587

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024