12px13px15px17px
Tarix:02/11/19

Dünya planşetlər bazarında artım bərpa olunub

"International Data Corporation" (IDC) şirkəti bu ilin üçüncü rübü üçün dünya planşetlər bazarında tədqiqatın nəticələrini açıqlayıb.

 

"ICTnews" Elektron Xəbər Xidməti "3DNews" resursuna istinadən yazır ki, məlumata görə, sahədə artım bərpa olunub. Rüb ərzində qlobal miqyasda 37,6 milyon planşet kompüter satılıb. Bu, tədarük həcminin 36,9 milyon ədədə bərabər olduğu ötən ilin üçüncü rübü ilə müqayisədə 1,9 faiz çoxdur.

 

Tədarük həcminə görə lider "Apple" şirkətidir: rüb ərzində şirkət 11,8 milyon "iPad" tədarük etməklə bazarın üçdə bir hissəsini (31,4 faiz) tutub. İllik hesablamada "Apple" planşetlərinə tələbat 21,8 faiz artıb.

 

İkinci yerdə 5,5 milyon satılmış qurğu və 14,5 faiz payla "Amazon" şirkəti qərarlaşıb. Şirkətin planşet tədarükü il ərzində 25,6 faiz yüksəlib.

 

Liderlər üçlüyünü 4,6 milyon tədarük edilən qurğu ilə "Samsung" tamamlayıb. Cənubi Koreya nəhənginin payı 12,3 faizə bərabər olsa da, illik hesablamada tədarük həcmində 13,9 faiz azalma qeydə alınıb.

 

Sonrakı mövqelərdə 3,6 və 2,5 milyon tədarük həcmi ilə "Huawei" və "Lenovo" istehsalçıları yer alıb. Şirkətlərin payı müvafiq olaraq 9,5 və 6,7 faiz təşkil edib.

 

Nizam Nuriyev





Baxış sayı: 1173

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024