XƏBƏRLƏR

Tarix:06/11/19

Sinqapurda şəhərin səkilərində elektrik skuterlərindən istifadə qadağan edilib

Sinqapur hakimiyyəti şəhərin səkilərində elektrik skuterlərindən istifadəni qadağan edib.

“ICTnews” Elektron Xəbər Xidməti “belta.by” saytına istinadən yazır ki, yeni qanun cari il noyabrın 4-də qüvvəyə minib. Bu, elektrik skuterlərinin iştirakı ilə baş verən yol-nəqliyyat hadisələrinin sayının artması ilə izah edilir. 31 dekabr 2019-cu il tarixinədək qanunu pozanlara xəbərdarlıq ediləcək. 2020-ci il yanvarın 1-dən isə piyada yollarında elektrik skuterləri ilə hərəkət edən şəxslər 1500 dollar məbləğində cərimə və ya 3 ay müddətinədək həbs cəzası ilə cəzalandırılacaqlar.

2019-cu ilin sentyabrında Sinqapurda elektrik skuteri və velosipedin toqquşması nəticəsində 65 yaşlı qadın ölüb.

Emil Hüseynov

Baxış sayı: 664