12px13px15px17px
Tarix:08/11/19

Dünyada internet istifadəçilərinin sayı məlum olub

Dünya əhalisinin təxminən 4,1 milyardı və ya 53,6 faizi internetə çıxış imkanına malikdir. Bu barədə Beynəlxalq Telekommunikasiya İttifaqının (BTİ) hesabatında deyilir.

 

“ICTnews” Elektron Xəbər Xidməti “DailyComm” resursuna istinadən yazır ki, təşkilatın qiymətləndirməsinə görə, dünyada kişilərin 58 faizi internetdən istifadə etdiyi halda qadınlarda bu göstərici 48 faiz təşkil edir. Bu fərq Asiya-Sakit okean regionu, Afrika və Yaxın Şərq ölkələrində xüsusilə nəzərə çarpır və durmadan artır.

 

Ekspertlərin hesablamalarına görə, planet əhalisinin təqribən 97 faizi mobil rabitə siqnallarının əhatə olunduğu yerlərdə məskunlaşıb, o cümlədən 93 faizi “3G” və daha yüksək şəbəkə istifadəçisidir. Mobil rabitənin əhatə dairəsinə daha çox Cənubi və Şimali Amerika ölkələri, Asiya-Sakit okean regionu və Avropa, daha az (79 faiz) isə Afrika ölkələri daxildir.

 

Planetdə 3,6 milyard insanın hələ də internet istifadəçisi olmamasını nəzərə alan BTİ dövlətləri internetə çıxışla bağlı məsələni inkişaf etdirilməsi labüd təxirəsalınmaz prioritetə çevirməyə çağırır.

 

Bundan başqa, ekspertlər rəqəmli texnologiyalar, eləcə də smartfon və digər mobil texnologiyalarla iş ilə tədrisə investisiya qoyuluşunun zəruriliyini qeyd edirlər. Onların sözlərinə görə, bu, onlardan bərabərhüquqlu istifadəyə şərait yarada bilər.

 

BTİ-nin tədqiq etdiyi 85 dövlətin 65-ində mobil telefona sahib kişilərin sayı qadınları üstələyir.

 

Qeyd edək ki, BTİ Birləşmiş Millətlər Təşkilatının (BMT) informasiya-kommunikasiya texnologiyaları (İKT) sahəsində fəaliyyət göstərən aparıcı təsisatıdır. 150 il ərzində BTİ qlobal əsasda radiotezlik spektrindən birgə istifadənin koordinasiyasını həyata keçirir, peyklər üçün orbital mövqelərin ayrılmasında beynəlxalq əməkdaşlığa yardım edir, inkişaf etməkdə olan ölkələrdə rabitə infrastrukturunun yaxşılaşdırılmasına xidmət edir və dünyada rabitə sistemlərinin geniş diapazonunun maneəsiz fəaliyyətini təmin edən standartlar hazırlayır.

 

Nizam Nuriyev





Baxış sayı: 335

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






25 Sentyabr 2020

24 09 2020

24/09/20
“Zoom” xidmətinin “Android” versiyası yeni funksiyalar əldə edib

Bu il videokonfranslar üçün “Zoom” proqramı koronavirus pandemiyası fonunda çox böyük populyarlıq 

24/09/20
Avropa Komissiyası Avropa İttifaqında superkompüter istehsalına 8 milyard sərmayə yatırır

Avropa Komissiyası "rəqəmsal suverenlik" üçün Avropa İttifaqında öz superkompüterlərinin istehsalına

24/09/20
“Android TV 11” əməliyyat sistemi təqdim edilib

“Google” şirkəti “Android TV” əməliyyat sisteminin idarəetməsi ilə işləyən televizorlar üçün “And

24/09/20
“Mini LED” ekranlı və “5G” dəstəkli “Xiaomi” televizoru nümayiş olunub

“Xiaomi” şirkəti yeni nəsil qabaqcıl “Mi TV Master Extreme Edition” televizorunu rəsmən nümayiş etdirib.

24/09/20
“Samsung” şirkəti “Galaxy S20 FE” smartfonunu nümayiş etdirib

“Samsung Electronics” şirkəti mövcud qabaqcıl modellərin sadələşdirilmiş versiyası olan “Galaxy S20 Fan E

24/09/20
“Samsung”: “Smartfonlar evdən işləyərkən istifadəçilərin çoxməqsədliliyini artırıb”

“Samsung” şirkəti özünütəcridə və məsafədən iş və distant təhsil üçün platformalara tələbatın kəskin

24/09/20
“MWC 2021” sərgisi təxirə salınıb

Dünya mobil rabitə operatorlarının maraqlarını təmsil edən və Barselonada “Mobile World Congress” sərgisi

24/09/20
“LG” orta büdcəli iki smartfonunu təqdim edib

“LG” şirkəti eyni anda ortabüdcəli “K62” və “K52” smartfonlarını təqdim edib.