12px13px15px17px
Tarix:12/12/19

“iOS” sisteminin yeni versiyası “iPhone” cihazını fiziki açarla qorumağa imkan verir

"Apple" şirkəti tərəfindən təqdim edilmiş "iOS 13.3" versiyasında fiziki təhlükəsizlik açarlarının dəstəyi sistem səviyyəsində reallaşdırılıb. Gücləndirilmiş qoruma sistemi istənilən proqram və ya "Safari" brauzerində sayt üçün aktivləşdirilə bilər.

 

"ICTnews" Elektron Xəbər Xidməti "hitech.vesti.ru" saytına istinadən yazır ki, "iOS" sisteminin yeni versiyası "USB-C", "NFC" və "Lightning" texnologiyasına malik istənilən FIDO2 standartlı qurğunu dəstəkləyir. İstifadəçilər "iPhone" və ya "iPad" cihazlarına brelok qoşaraq parol və ya SMS vasitəsilə göndərilmiş kodu daxil etmədən öz hesablarına ("Gmail", "Dropbox", "Twitter", "Outlook" və "Facebook") daxil ola biləcəklər.

 

Bundan başqa, yeniləmə "iOS 13" sistemində aşkar edilmiş səhvləri düzəldir. "Screen Time" funksiyasının imkanları genişləndirilib: indi telefon zənglərinin müddətinə limit müəyyənləşdirmək, "iMessage", "FaceTime" və "iCloud" kontaktları ilə ünsiyyət vaxtını məhdudlaşdırmaq mümkündür. Həmçinin "iOS 13.3" versiyası klaviaturadan "Memoji"ni gizlətməyə imkan verir.

 

Emil Hüseynov





Baxış sayı: 553

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024