12px13px15px17px
Tarix:17/12/19

“Samsung” şirkəti 144 meqapiksellik kameraya malik smartfon təqdim edəcək

“Samsung” şirkəti yüksək təsvir ölçülü kameralar hazırlamaq üçün yeni texnoloji prosesdən istifadə etmək niyyətindədir. İstehsalçı 144 meqapiksellik kamera ilə təchiz edilmiş smartfon çıxarmağa hazırlaşır.

 

“ICTnews” Elektron Xəbər Xidməti “lenta.ru” saytına istinadən yazır ki, bu haqda “Twitter” sosial şəbəkəsində “Ice Universe” mikrobloqunda məlumat verilib. Dərc edilmiş slaydlardan məlum olur ki, şirkət 14 nanometrlik texniki prosesə keçidə hazırlaşır. Sənədin müəllifləri əmindirlər ki, Cənubi Koreya şirkəti 144 milyon piksel təsvir ölçülü kameranın hazırlanmasına fokuslanmalıdır. Sensor aşağı enerji istehlakına malik “FinFET” tranzistorlarına əsaslanacaq.

 

Lakin belə kamera ilə təchiz edilmiş smartfonun çıxarılma tarixi haqqında, hələ ki, məlumat yoxdur. Hazırda “Xiaomi”nin smartfonunun kamerası rekord təsvir ölçüsünə malikdir: 108 meqapiksellik kameraya malik “Mi Note 10” aparatı noyabrda təqdim edilib.

 

Emil Hüseynov





Baxış sayı: 869

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024