12px13px15px17px
Tarix:10/01/20

Tibbi avadanlıq istehsalçısı “Apple” şirkətini patent hüquqlarının pozulmasında ittiham edib

Tibbi diaqnostik avadanlıqların buraxılışı ilə məşğul olan ABŞ-ın “Masimo” şirkəti “Apple” korporasiyasını patent hüquqlarının pozulmasında ittiham edib. Bu barədə Kaliforniya ştatının Mərkəzi Federal Məhkəmə Dairəsinə daxil olan sənədlərdə deyilir.

 

“ICTnews” Elektron Xəbər Xidməti “TASS” resursuna istinadən yazır ki, “Masimo” tərəfindən təqdim edilən iddia ərizəsinə görə, şirkətin və onun törəmə strukturlarının texnologiyaları “Apple” tərəfindən “Apple Watch” saatlarının yaradılması zamanı icazəsiz tətbiq edilib. “Masimo” vəkillərinin sözlərinə görə, söhbət əsasən qanda oksigenin miqdarını ölçməyə imkan verən ötürücülərdən gedir.

 

İddiada qeyd olunur ki, 2013-cü ildə “Apple” nümayəndələri “Masimo” şirkətinə əməkdaşlıq təklif edərək onun bir sıra texnologiyaları ilə tanış olublar. Şirkətlər arasında informasiyanın açıqlanmaması haqqında saziş imzalanıb. İddiaçıların sözlərinə görə, bundan sonra “Apple” rəhbərliyi bir neçə “Masimo” əməkdaşını işə qəbul edib. Onların sırasına şirkətin son texnologiyaları barədə məlumata malik mütəxəssislər daxil olub.

 

“Masimo” nümayəndələrinin fikrincə, “Apple” onlara məxsus 10-a yaxın patentləşdirilmiş texnologiyanı icazəsiz istifadə edib. Məhkəmədən “Apple” şirkətinin buna son qoyması, eləcə də kompensasiya ödəməsi tələb edilir.

 

Nizam Nuriyev





Baxış sayı: 1810

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024