12px13px15px17px
Tarix:13/01/20

Dünyada 144 herslik ekrana malik ilk smartfon elan edilib

“Android”-cihazlar yalnız oyun hitlərinin sayına görə deyil, həm də başqa xüsusiyyətlərinə görə tədricən fərdi kompüterlərə yaxınlaşırlar. “Nubia” brendinin həmtəsisçisi və direktoru “Red Devil 5G” adlı yeni oyun smartfonunu elan edib. Yeni smartfonun əsas özəlliyi ekranın yeniləmə tezliyidir.

 

“ICTnews” Elektron Xəbər Xidməti “4pda.ru” saytına istinadən yazır ki, smartfon istehsalçıları yalnız bu yaxınlarda 90 Hers yeniləmə tezliyinə malik matrislərdən istifadə etməyə başlayıblar. “Nubia” şirkəti matrisin yeniləmə tezliyinin 144 hersədək artırılması yolu ilə cihazın ekranındakı təsvirin hamarlığını yüksəltməyi planlaşdırır.

 

“Nubia Red Devil 5G” smartfonu üçün belə ekranın hazırlaması ilə bundan əvvəl “Xiaomi Mi Mix Alpha” və “Mi Note 10” üçün eyni həll təqdim etmiş “Visionox” şirkəti məşğul olacaq.

 

“Nubia Red Devil 5G” smartfonunun ətraflı texniki xüsusiyyətləri, qiyməti haqqında məlumat hələ ki yoxdur.

 

Emil Hüseynov





Baxış sayı: 330

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






27 May 2020

26 05 2020