12px13px15px17px
Tarix:14/02/20

Yeni Zelandiyada süni intellektə malik ilk polis xidmətə başlayır

Növbəti bazar ertəsindən yeni Zelandiyanın Vellinqton şəhərindəki milli polis qərargahında Ella adlı yeni əməkdaş ziyarətçiləri qarşılamağa başlayacaq. O, “Intela AI” və “Soul Machines” yerli İT şirkətləri tərəfindən polis idarəsi üçün xüsusi olaraq hazırlanmış süni intellektdir. Ellan bədənə malik deyil, küçələrdə patrul xidməti göstərə bilmir, amma öz həmsöhbətlərinə qarşı son dərəcə səbirli və mehribandır.

 

“ICTnews” Elektron Xəbər Xidməti “techcult.ru” saytına istinadən yazır ki, növbəti 3 ay ərzində Ellanın bacarıqları real vaxt rejimində polis qərargahına gələnlər və əməkdaşlar üzərində sınaqdan keçiriləcək. Süni intellekt yalnız konsultant funksiyalarına malikdir, amma o, əlaqə qurduğu insanların davranışı haqqında statistika toplamalıdır. Bu, ona gələcəkdə həmin şəxslərlə daha yaxşı işləməyə imkan verəcək.

 

Ella ziyarətçilərlə yalnız sintezləşdirilmiş nitq vasitəsilə deyil, həm də mimika, bədən dili ilə birbaşa dialoq qurmaq qabiliyyətinə malikdir. O, əsas polis xidmətləri barədə konsultasiya verə, təcili yardım xidmətləri ilə əlaqə saxlaya bilər. Bundan başqa nəsə söyləmək istəyənləri sadəcə dinləyə bilər.

 

Emil Hüseynov





Baxış sayı: 495

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






24 Aprel 2024

23 04 2024