“ZTE Nubia Red Magic 5G” adlı oyun smartfonu təqdim edilib
Yeni “Nubia Red Magic 5G” smartfonunun əsas özəlliyi 144 hers yeniləmə tezliyinə malik ən sürətli ekranla təchiz edilməsidir. Bundan başqa, ekranın toxunuşlara dərhal reaksiya verməsi üçün ona 240 hers tezliyi ilə işləyən sensor əlavə edilib.
Digər xüsusiyyətlər üzrə bu standart displeydir: 6,65 düym diaqonal, “Full HD ” təsvir ölçüsü, AMOLED matris. Barmaq izləri skaneri birbaşa ekrana quraşdırılıb.
“ICTnews” Elektron Xəbər Xidməti “hi-tech.mail.ru” saytına istinadən yazır ki, oyun həvəskarları üçün korpusun kənarında əlavə düymələr quraşdırılıb. Hətta korpusun daxilində miniatür ölçüdə kulerə malik aktiv soyutma sistemi yerləşdirilib.
Standart model qabaqcıl “Snapdragon 865” prosessoru, 8 QB əməli yaddaş (LPDDR5) ilə təchiz edilib. Amma “Nubia Red Magic 5G” smartfonunun 16 QB əməli yaddaş və 256 QB daxili yaddaşa malik versiyası satışa çıxarılacaq.
Akkumulyator batareyasının tutumu 4500 milliamper/saat təşkil edir. Bundan başqa, korpusda simli qulaqlıqlar üçün 3,5 mm-lik çıxış və aksesuarlar üçün xüsusi konnektor (məsələn, kabel internetinə qoşulmaq üçün LAN konnektor) var.
Emil Hüseynov
Baxış sayı: 1890
© İstifadə edilərkən İctnews-a istinad olunmalıdır
Oxşar xəbərlər
- Şifrənin əvəzinə gözün quzehli qişası
- Ucqar dağ kəndlərində hər bir ev üçün ADSL
- Yardımlı rabitəsi də TAE xəttinə qoşulacaq
- Səhiyyə Nazirliyindən online nəzarət sistemi
- “B&B TV Naxçıvanda da fəaliyyət göstərəcək
- Ölkəmizdə "nağdsız cəmiyyət” qurulur
- Xınalıqda sürətli internet
- “Xalq kompyuteri” layihəsi kəndlərdə
- Ölkəmizin nəhəng elektron xəritəsi hazırlanacaq
- “AzEuroTel” MMC oldu
- Ədliyyə Nazirliyi elektron xidmətlər köşkü
- Elektron xidmətlərlə bağlı xüsusi bölmə yaradılacaq
- “Nokia” əməkdaşlarını iPhone-dan istifadə etməyə çağırıb
- Aviabiletlərin elektron qeydiyyatı
- AZAL-dan elektron kartla pulsuz bilet
