12px13px15px17px
Tarix:01/04/20

Günəş fırtınalarının öyrənilməsi üçün yeni missiya buraxılacaq

ABŞ Kosmik Agentliyi (NASA) Günəşdə fırtınaların əmələ gəlməsini tədqiq etməyə imkan verən “Sun Radio Interferometer Space Experiment” (SunRISE – “Radiointerferometr vasitəsilə Günəşin tədqiqi üzrə kosmik eksperiment”) adlı yeni tədqiqat missiyası buraxmaq niyyətindədir. Bu barədə “NASA” saytında deyilir.

 

“ICTnews” Elektron Xəbər Xidməti “Belta” resursuna istinadən yazır ki, missiyanın fəaliyyəti dövründə əldə edilən informasiya Günəş sisteminin quruluşunu daha yaxşı anlamaqla yanaşı, Aya və Marsa göndəriləcək astronavtları qorumağa kömək edəcək.

 

Məlumata görə, “SunRISE” missiyasına bir teleskop kimi işləyəcək altı mikropeyk daxil olacaq. Buraxılışı 1 iyul 2023-cü ilə nəzərdə tutulan missiya üçün ”NASA” tərəfindən 62,6 milyon dollar ayrılıb.

 

“SunRISE” peyklərinin köməyi ilə alimlər Günəş sahələrinin günəş fırtınalarının əmələ gəlməsinə səbəb olan kosmik mühit mənbələrinin üçölçülü xəritələrini yaratmağı planlaşdırırlar. Bundan başqa, missiya Günəşdən uzaqlaşma zamanı hissəciklərə sürətlənmək üçün nəyin kömək etdiyini izləyəcək.

 

Nizam Nuriyev





Baxış sayı: 604

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024