12px13px15px17px
Tarix:21/04/20

Ən populyar “iPhone” modeli açıqlanıb

“iPhone 8” ən populyar “Apple” smartfonu seçilib. Müvafiq məlumatlar “Audiobooks” əlavələr seriyası tərtibatçısı Devid Smitin statistikası əsasında əldə olunub. İnformasiya mütəxəssisin saytında dərc edilib.

 

“ICTnews” Elektron Xəbər Xidməti “Lenta” resursuna istinadən yazır ki, “Audiobooks” istifadəçiləri arasında bu qurğu sahiblərinin payı 13,6 faiz təşkil edib. İkinci və üçüncü yerlərdə payları müvafiq olaraq 12,9 və 11,9 faizə bərabər “iPhone 7” və “6s” qərarlaşıb. “Audiobooks” istifadəçiləri arasında ən çox tələb olunan qurğular onluğuna bir aktual “Apple” smartfonu – “iPhone 11” daxil olub.

 

“iPhone 8” modeli “iPhone” və “iPad” istifadəçiləri arasında tərtib olunan siyahıda da birinci pilləyə yüksəlib. Smartfonlarla yanaşı, ilk onluqda payları 6,4 və 5,5 faiz təşkil edən “iPad Air 2” və “iPad 6” planşetləri yer alıb.

 

Həmçinin qeyd olunur ki, istifadəçilərin proqramlara daxil olduğu “iPhone” modellərinin 94 faizi aktual “iOS 13” əməliyyat sisteminin idarəetməsi ilə işləyir. 2018 və 2017-ci illərdə buraxılan əməliyyat sistemlərinin payı müvafiq olaraq 4,6 və 0,7 faiz təşkil edib. “App Store” mağazasında “Audiobooks” mobil proqramının “Apple” qurğularına yüklənmə sayı barədə informasiya mövcud deyil.

 

Nizam Nuriyev





Baxış sayı: 586

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024