XƏBƏRLƏR

Tarix:04/05/20

“Samsung Game Tuner” servisi bağlanıb

“Samsung” şirkəti “Galaxy” smartfonlarında oyun həvəskarları üçün “Game Tuner” servisinin fəaliyyətini dayandırıb.

“ICTnews” Elektron Xəbər Xidməti “IXBT” resursuna istinadən yazır ki, “Samsung Game Tuner” servisinin məqsədi smartfonların oyun imkanlarını yaxşılaşdırmaq – platformanı sürətləndirmək, təsvir ölçüsünü artırmaq və oyun zamanı bir neçə faydalı dəyişikliklər etmək olub. “Samsung” onun vasitəsilə faktiki olaraq xüsusi oyun smartfonunun buraxılışına zərurəti aradan qaldırıb.

Məlumata görə, proqram sonuncu dəfə 2018-ci ilin dekabrında yenilənib. O zaman əlavədə saniyədə kadr sayı sayğacı kimi bir sıra faydalı funksiyalar ləğv edilib.

Mobil əlavənin hazırda “Google Play” və “Galaxy Store” siyahılarında göstərilməsinə baxmayaraq artıq “Samsung” tərəfindən servisin ləğvi üzrə prosesə start verilib. Şirkət “Samsung Community” cəmiyyətinin üzvlərini servisin aprelin 30-dan fəaliyyətinin dayandırılması və əlavənin yüklənilməsinin bloklanması barədə məlumatlandırmağa başlayıb.

Mövcud istifadəçilər tərəfindən proqramdan müvəqqəti istifadə üçün onların “Android 8 Oreo” əməliyyat sistemində qalması tələb olunur. “One UI 2.0/2.1” proqram təminatlı smartfon istifadəçilərinə “Samsung Game Tuner” servisini əvəzləyən “Game Plugins” (Oyunlar üçün əlavə modullar) servisinə keçmək tövsiyə edilir.

Nizam Nuriyev

Baxış sayı: 511