XƏBƏRLƏR

Tarix:11/06/20

150 avro məbləğində “Xiaomi Redmi 9” smartfonu təqdim edilib

"Xiaomi" şirkəti yeni ucuz "Redmi 9" smartfonunu təqdim edib.

"ICTnews" Elektron Xəbər Xidməti "vesti.ru" saytına istinadən yazır ki, "Redmi 9" smartfonu "Gorilla Glass 3" qoruyucu şüşəsi ilə təchiz edilmiş "Full HD " təsvir ölçülü 6,53 düymlük maye kristal ekrana malikdir.

"Redmi 9" smartfonu "Helio G80" prosessoru ilə təchiz edilib. Arxa paneldə 4 kamera yerləşdirilib: 13 meqapiksellik (mp) obyektivə (f/2,2) malik əsas kamera, 8 mp-lik genişbucaqlı (f/2,2), 5 mp-lik makroobyektiv (f/2,4) və 2 mp-lik dərinlik sensoru. Ön kameranın təsvir ölçüsü 8 mp-dir.

5020 milliamper/saat tutumlu batareya 18 vatt gücündə sürətli enerjidoldurma texnologiyasını dəstəkləyir. Həmçinin "USB-C" portu, qulaqlıqlar üçün 3,5 mm-lik konnektor, "Bluetooth 5.0", FM radio və "Wi-Fi 802.11 b/g/n" (2,4 QHs) var. Təmassız ödənişlər üçün "NFC" çipinin mövcudluğu regiondan asılı olacaq.

Avropada 3 QB əməli yaddaş və 32 QB daxili yaddaşa malik "Redmi 9" aparatının qiyməti 149 avro təşkil edəcək.

Emil Hüseynov

Baxış sayı: 943