XƏBƏRLƏR

Tarix:27/08/20

“Sony” şirkəti üç il əvvəlin prosessoru ilə təchiz edilmiş smartfonunu təqdim edib

“Sony” şirkəti ötənilki “Xperia 10” qurğusunun korpusunda, amma təkmilləşdirilmiş kameralardan ibarət yeni “Xperia 8 Lite” smartfonunu təqdim edib.

“ICTnews” Elektron Xəbər Xidməti “digger.ru” saytına istinadən yazır ki, “Xperia 8 Lite” smartfonu üç il əvvəlin prosessoru, 14 nm-lik “Qualcomm Snapdragon 630” prosessoru, 4 QB əməli yaddaş və 64 QB daxili yaddaşla təchiz edilib.

Smartfon FHD+ təsvir ölçülü 6 düymlük maye kristal ekrana malikdir.

Arxa paneldə iki kamera yerləşdirilib: 12 mp-lik (f/1.8) əsas və 8 mp-lik (f/2.4) telefoto. Selfi kameranın təsvir ölçüsü 8 mp-dir (f/2.0).

Bundan başqa, aparat 2870 milliamper/saat tutumlu akkumulyator, USB-C portu və 3,5 mm-lik audio konnektora malikdir.

Emil Hüseynov

Baxış sayı: 1937