12px13px15px17px
Tarix:17/09/20

“Facebook” şirkəti “Oculus Quest 2” virtual reallıq şlemini təqdim edib

“Facebook” şirkəti “Oculus Quest” virtual reallıq şleminin 2-ci nəslini təqdim edib. Ucuz, tamamilə avtonom işləyən qurğunun qiyməti ilk modellə müqayisədə 100 dollar ucuzlaşaraq 299 dollar olub, həm də texniki xüsusiyyətləri daha da gücləndirilib.

 

“ICTnews” Elektron Xəbər Xidməti “vesti.ru” saytına istinadən yazır ki, “Quest 2” şlemi “Qualcomm Snapdragon XR2” prosessoru, 6 QB əməli yaddaş (1-ci nəsil “Quest” şlemində “Snapdragon 835” və 4 QB-dır), 1832x1920 piksel təsvir ölçülü ekranla təchiz edilib, yenilənmiş sensorlar indi əl hərəkətlərini izləyə bilər.

 

Virtual reallıq şleminin çəkisi 503 qr-dır. Onu daşımaq daha rahat olmalıdır, çünki baş üçün sərt rezin qayış əvəzinə, indi yumşaq parçadan istifadə edilir.

 

Yenilik artıq 22 ölkədə ilkin sifariş üçün əlçatandır. 64 QB yaddaşa malik modelin qiyməti 299 dollar, 256 QB yaddaş ilə olan modelin qiyməti isə 399 dollardır. Oktyabrın 13-də “Quest 2” qurğusunun tədarükünə başlanılacaq.

 

Emil Hüseynov





Baxış sayı: 619

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024