“WhatsApp” messencerinə avtomatik silinən mesajlar funksiyası əlavə ediləcək
“Facebook” şirkətinə məxsus olan “WhatsApp” messencerinin nümayəndələri "avtomatik silinən" mesajlar funksiyası haqqında məlumat veriblər. Bu funksiyanın növbəti yeniləmələrdən birində tətbiqi planlaşdırılır.
“ICTnews” Elektron Xəbər Xidməti “vesti.ru” saytına istinadən yazır ki, tərtibatçıların sözlərinə görə, yeni rejim ilk öncə sazlamalarda aktivləşdirilməlidir. Bundan sonra qrup və ya fərdi çata göndərilmiş bütün yeni mesajlar 7 gündən sonra avtomatik silinəcək. Bu, yeni rejimin aktivləşdirilməsindən öncə göndərilmiş və qəbul edilmiş mesajlara aid edilmir.
"Əgər siz avtomatik silinən mesajların deaktiv edildiyi çata avtomatik silinən mesaj göndərsəniz, bu çatda həmin mesajlar silinməyəcək".
Bu halda “müvəqqəti” mesajlar tam məxfiliyə zəmanət vermir. Tərtibatçılar xəbərdarlıq ediblər ki, mesajı qəbul edən onu göndərə, kopyalaya və ya şəklini çəkə bilər. Bundan başqa, avtomatik silinən mesajın məzmunu bildirişdə qala bilər.
Yaxın vaxtlarda əlavə ediləcək yeni funksiya “Android”, “iOS” və “KaiOS”, həmçinin “WhatsApp”ın veb versiyasında və kompüterlər üçün kliyentdə əlçatan olacaq.
Emil Hüseynov
Baxış sayı: 249
© İstifadə edilərkən İctnews-a istinad olunmalıdır
Oxşar xəbərlər
- Şifrənin əvəzinə gözün quzehli qişası
- Ucqar dağ kəndlərində hər bir ev üçün ADSL
- Yardımlı rabitəsi də TAE xəttinə qoşulacaq
- Səhiyyə Nazirliyindən online nəzarət sistemi
- “B&B TV Naxçıvanda da fəaliyyət göstərəcək
- Ölkəmizdə "nağdsız cəmiyyət” qurulur
- Xınalıqda sürətli internet
- “Xalq kompyuteri” layihəsi kəndlərdə
- Ölkəmizin nəhəng elektron xəritəsi hazırlanacaq
- “AzEuroTel” MMC oldu
- Ədliyyə Nazirliyi elektron xidmətlər köşkü
- Elektron xidmətlərlə bağlı xüsusi bölmə yaradılacaq
- “Nokia” əməkdaşlarını iPhone-dan istifadə etməyə çağırıb
- Aviabiletlərin elektron qeydiyyatı
- AZAL-dan elektron kartla pulsuz bilet
