12px13px15px17px
Tarix:28/11/20

“Facebook” Cənubi Koreyada 6 milyon dollar cərimələnib

Cənubi Koreyanın Fərdi Məlumatların Qorunması üzrə Komissiyası “Facebook” şirkətini 6,7 milyard von (6,6 milyon dollar) cərimələyərək istifadəçilərin şəxsi məlumatlarının onların razılığı olmadan digər operatorlara təqdim edilməsinə görə cinayət işinin qaldırılmasını tələb edib. Bu barədə “Yonhap” informasiya agentliyinin məlumatında deyilir.

 

“ICTnews” Elektron Xəbər Xidməti “SecurityLab” resursuna istinadən yazır ki, aparılan araşdırmaların nəticələrinə görə, Cənubi Koreyada təxminən 3,3 milyon “Facebook” istifadəçisinin fərdi məlumatları 2012-ci ilin mayından 2018-ci ilin iyununadək olan dövr ərzində digər şirkətlərə verilib.

 

Bildirilir ki, təqdim edilən məlumatlar arasında insanların adı, ünvanı, doğum tarixi, iş təcrübəsi haqqında informasiya və s. sadalanır. Agentlik nümayəndələrinin sözlərinə görə, sosial şəbəkənin bu məlumatları 10 min digər şirkətə də verməsi ehtimal edilir.

 

Bundan başqa, komissiya ayrıca olaraq “Facebook”u hakimiyyət ilə əməkdaşlıqdan imtinaya görə cərimələyib. Nəzarətedici orqan təmsilçiləri tərəfindən buna əsas kimi şirkətin fəaliyyəti haqqında səhv sənədlərin təqdim edilməsi göstərilir. Cərimənin məbləği 66 milyon von (59 min dollar) təşkil edib.

 

Nizam Nuriyev





Baxış sayı: 948

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024