12px13px15px17px
Tarix:01/12/20

Üçüncü rübdə smartfonlar bazarında azalma zəifləyib

İyul-sentyabrda dünyada 366 milyon smartfon satılıb. Bu, bir il əvvəlin müvafiq dövrü ilə müqayisədə 5,7 faiz azdır. Bu barədə “Gartner” analitik şirkətinin 2020-ci ilin üçüncü rübü üçün hesabatında deyilir.

 

“ICTnews” Elektron Xəbər Xidməti “Vesti” resursuna istinadən yazır ki, bazarda azalmanın qeydə alınmasına baxmayaraq o, ilin birinci yarısındakından daha az olub – o zaman pandemiya və istehlakçı xərclərinin azalması səbəbindən smartfonların satış həcmində illik nisbətdə ardıcıl iki rüb 20 faiz azalma müşahidə edilib.

 

Dördüncü rübün “qara cümə”də əvvəlki illərə nisbətən daha aktiv onlayn satışlar sayəsində daha uğurlu olacağı gözlənilir. Həmçinin oktyabr-dekabrda smartfonların satış həcmində artımın 2019-cu ilin müvafiq dövrü ilə müqayisədə 2,4 faiz təşkil edəcəyi proqnozlaşdırılır.

 

Analitiklərin sözlərinə görə, bu, təminatlı istehlakçılar tərəfindən “5G” dəstəkli qurğulara tələbatın artması sayəsində baş verəcək. Hazırda bu qurğuların 611 dollarlıq orta qiyməti satışların kütləviliyinə mane olur. Lakin proqnozlara görə, 2024-cü ilədək bu göstərici 453 dollaradək azalacaq.

 

Ayrı-ayrı brendlərin bazardakı uğur və uğursuzluqları baxımından “Samsung” və “Xiaomi” daha çox seçilir – liderlər beşliyindən (Samsung, Huawei, Xiaomi, Apple, Oppo) yalnız bu şirkətlər üçüncü rübdə satış həcmini artırmağa nail olublar.

 

Bununla yanaşı, “Samsung”un gəliri illik nisbətdə 2,2 faiz artdığı halda onun Çin rəqibində bu göstərici 34,9 faiz olub. Bu, “Xiaomi” şirkətinə rüblük satış həcminə görə 6 faiz itirən “Apple” korporasiyasını geridə qoyaraq üçüncü yerə yüksəlməyə imkan verib. Öz növbəsində “Huawei” çətinliklə də olsa, ikinci mövqeyini qoruyub – Çindən kənarda şirkətin ABŞ sanksiyaları səbəbindən “Google” mobil proqram və servislərindən məhrum edilən qurğularına tələbat azalıb. İstehsalçının rüblük satışı ötən illə müqayisədə 21 faiz enib.

 

Nizam Nuriyev





Baxış sayı: 131

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Yanvar 2021

18 01 2021

18/01/21
“iPhone 13” smartfonunun buraxılışı bir il ertələnib

“Apple” şirkəti 2021-ci ildə “iPhone 12s” seriyalı smartfonlar buraxacaq. Bu barədə Çinin “China

18/01/21
“Huawei” şirkətinə “Intel” prosessorlarından istifadə qadağan edilib

ABŞ hökuməti bir neçə “Huawei” tədarükçüsünü sanksiyalar altında olan Çin şirkəti

18/01/21
“Honor” smartfonları yenidən “Google” servisləri ilə təchiz ediləcək

“Honor” şirkətinin ABŞ sanksiyalarını aradan qaldırması nəticəsində onun smartfonlarına “Google” servislə

18/01/21
Aztelekom Zaqatalada 384 ailənin mənzilini müasir avadanlıqla təmin etdi

Regionlarda vətəndaşların telekommunikasiya xidmətlərinə olan tələbatını təmin etmək məqsədilə növbəti la

18/01/21
“Dynabook Satellite Pro L50” noutbuku “GeForce MX250” qrafikası ilə təchiz edilib

“Intel Comet Lake” aparat platforması və “Windows 10 Pro” əməliyyat sistemindən istifadə edən “Dynabook S

18/01/21
“Apple iMac” kompüterlərinin dizaynı yenilənəcək

Bu il “Apple” şirkəti 2012-ci ildən bəri ilk dəfə olaraq “iMac” fərdi kompüterlərinin dizaynını yeniləmək

18/01/21
“Samsung” yeni smartfonlarda yaddaş kartlarından imtina edib

“Samsung” şirkəti yeni qabaqcıl smartfonlarda yaddaş kartı üçün çıxışı ləğv edib. Bu barədə “Android P