XƏBƏRLƏR

Tarix:01/12/20

Mobil operatorlar 2025-ci ilədək sahənin inkişafına 1,1 trilyon dollar sərmayə yatıracaqlar

2025-ci ilədək dünyada mobil rabitə operatorlarının bu sahənin inkişafına yatırdıqları sərmayənin ümumi həcmi 1,1 trilyon məbləğində olacaq. Bu barədə Çinin Uçjen şəhərində Ümumdünya İnternet İdarəetmə Konfransının açılışında onlayn iştirak etmiş GSMA Assosiasiyasının prezidenti Con Hoffman deyib.

“ICTnews” Elektron Xəbər Xidməti “tass.ru” saytına istinadən yazır ki, "Mobil rabitə operatorları tərəfindən investisiyalar indiki vaxtdan 2025-ci ilədək 1,1 trilyon dollar təşkil edəcək. Bu məbləğin təxminən 18%-i “5G” şəbəkəsinə sərf ediləcək" – o deyib.

Con Hoffmanın sözlərinə görə, yaxın 5 ildə Çin ABŞ, Cənubi Koreya, Yaponiya və Avropadakı bəzi bazarlar ilə birgə “5G” rabitə sahəsində liderlik edəcək. O deyib ki, artıq dünyanın 47 ölkəsində 106 ədəd “5G” rabitə şəbəkəsi (həm mobil, həm stasionar) istifadəyə verilib. “GSMA” məlumatlarına əsasən, dünyada mobil qoşulmaların təxminən 7%-i “5G” rabitə vasitəsilə həyata keçirilir.

Emil Hüseynov

Baxış sayı: 512