XƏBƏRLƏR

Tarix:09/12/20

2021-ci ildə buraxılacaq ilk “Xiaomi” və “Redmi” smartfonları açıqlanıb

“Xiaomi” şirkəti 2021-ci ilin əvvəlində dörd qabaqcıl smartfon buraxacaq. Bu barədə “GizmoChina” nəşrinin Çinin məşhur “Digital Chat Station” blogerinə istinadən məlumatında deyilir.

“ICTnews” Elektron Xəbər Xidməti “Lenta www.lenta.ru” resursuna istinadən yazır ki, məlumata görə, növbəti ilin birinci rübündə “Xiaomi” tərəfindən “Mi 11” və “Mi 11 Pro” adlı iki qabaqcıl smartfon buraxılacaq. Bundan başqa, korporasiyanın “Redmi” törəmə brendi iki qabaqcıl qurğu təqdim edəcək. Bütün qurğular dekabrın əvvəlində təqdim edilən “Snapdragon 888” prosessoru üzərində qurulacaq.

Bildirilir ki, “Mi 11” və “Mi 11 Pro” qurğuları 90-120 giqahers yeniləmə tezlikli “AMOLED” ekran və “LPDDR5 RAM” və “UFS 2.1” formatlı yaddaşla təchiz ediləcək. “Redmi” brendli ilk qurğuların isə “K40” və “K40 Pro” smartfonlarının olacağı ehtimal edilir. Lakin qurğuların dəqiq adı hələ ki təsdiqlənməyib.

Bir müddət əvvəl verilən məlumata görə, “Mi 11 Pro” smartfonu 48, 20, 12 və 12 meqapikselli dörd obyektivə malik kamera ilə işıq üzü görəcək. Həmçinin qabaqcıl model 120 vatt gücündə sürətli enerjidoldurmanı dəstəkləyən 4500 milliamper/saat tutumlu batareya ilə təchiz ediləcək.

Nizam Nuriyev

Baxış sayı: 923