PROQRAM TƏMİNATI

Tarix:16/12/20

Yeni “Google Photo” mobil proqramı köhnə şəkilləri "canlandıracaq"

“Google” şirkəti “Google Photo” xidmətinin mobil proqramına orijinal funksiya əlavə edərək onu yeniləyib. Artıq yaxın vaxtlarda istifadəçilər 3D effektlərin köməyi ilə şəkilləri redaktə etmək imkanı əldə edəcək, həmçinin "canlı" şəkilləri öz kontaktları ilə paylaşa biləcəklər.

“ICTnews” Elektron Xəbər Xidməti “4pda.ru” saytına istinadən yazır ki, “Google” şirkəti tərtibatçılar tərəfindən “kinematoqrafik şəkillər” adlandırılmış yeni funksiya üçün süni intellekt alqoritmləri və kompüter təlimi texnologiyasından istifadə edib.

Bundan başqa, “Google” şirkəti smartfon sahiblərinə "Xatirələr" albomu üçün bir neçə yeni kollaj şablonu və əlavə kateqoriyalar təklif edəcək.

Emil Hüseynov

Baxış sayı: 1315